बिग बॉसच्या घरातील हे तीन सदस्य पोहोचले फायनलमध्ये …

​बिग बॉसच्या घरात गेल्या दिवसात एक टास्क देण्यात आला होता ह्या टास्कमध्ये सदस्यांना क्रिएटिव्हिटी करून दाखवायची होती आणि गाण्यावर नृत्य सादर करून मिनलची पसंती मिळवायची होती. ह्या दरम्यान सदस्यांनी वेगवेगळ्या युक्त्या वापरून स्टार मिळवण्यासाठी धडपड केली. त्याचप्रमाणे घरातील सदस्यांना आरसा दाखवून त्यांच्याबद्दल आपलं मत व्यक्त केलं होतं त्यावेळी उत्कर्षणे सोनालीला तिचा खरा चेहरा दाखवत म्हटले की, डाग आरश्यावरती नसतात आपल्या चेहऱ्यावर असतात.

सोनाली बऱ्याच वेळेला आपण समोरच्याला दोष देत असतो समोरच्याच्या इमोशन्सशी खेळतो, हे तुझ्याकडून बऱ्याचदा झालेलं आहे. मीनल, विशाल विकास यांच्यासोबत तुझे नेहमीच वाद का होतात? कारण कावीळ झालेल्या​​ला जग पिवळं दिसतं. असे म्हणत उत्कर्ष सोनालीला तिचं वागणं बरोबर नाही असे सांगतो. तर विकासने देखील विशालला त्याच्याबाबत म्हटलं की, स्वतःच्या फायद्यासाठी विशाल लोकांची प्रशंसा करतो. त्याने त्याची आयडेंटिटी बनवून ठेवलेली आहे की तो फेअर प्लेअर आहे. विकासच्या ह्या मतावर मात्र विशाल काहीसा आश्चर्यचकित झालेला पाहायला मिळाला. बिग बॉसच्या घरात टिकिट टू फिनाले साठी तीन सदस्यांवर शिक्कामोर्तब करण्यात असा प्रेक्षकांना विश्वास आहे. घरातील सदस्यांमधून एकमताने या ३ फायनलिस्टची यादी प्रेक्षकांसमोर येईल. यात मीनल, जय आणि विशाल हे तिन्ही सदस्य फायनलमध्ये पोहोचतील अशी चाहत्यांना खात्री आहे.

त्यामुळे आणखी कोणते दोन सदस्य फायनलमध्ये पोहोचतील याची उत्कंठा वाढली आहे. ह्या आठवड्यात सात सदस्यांमधून एक सदस्य घराबाहेर पडणार आहे, तो सदस्य कोण असेल हे लवकरच समजेल. तूर्तास मीनल, जय आणि विशाल हे तिघे फायनलिस्ट बनल्याने त्यांच्या चाहत्यांमध्ये उत्साहाचे वातावरण पाहायला मिळते आहे. मीनल आणि विशाल हे दोघेही फायनलिस्टमध्ये असावेत, अशी अपेक्षा तमाम प्रेक्षकांनी केली होती. त्यामुळे फायनलमध्ये चुरस पाहायला मिळणार हे मात्र नक्की. पण त्याआधी बिग बॉसच्या घरात आज झोंबिवली या चित्रपटातील कलाकारांनी हजेरी लावली आहे. झोंबिवली हा एक भयपट आहे ज्यात अमेय वाघ, वैदेही परशुरामी, ललित प्रभाकर यांनी मुख्य भूमिका साकारली आहे. झोंबिवली या चित्रपटातील गेटअप करून काही कलाकार बिग बॉसच्या घरात दाखल होणार आहेत त्यामुळे आजचा एपिसोड प्रेक्षकांसाठी खास ठरणार आहे.