अभिनेते विजय कदम यांची पत्नीही आहे प्रसिद्ध कलाकार, अभिनेत्री पल्लवी जोशी सोबत आहे हे नाते

​​​”​ती परत आलीये​”​ ह्या मालिकेचा पहिला भाग ​​झी वाहिनीवर ​​काल प्रदर्शित ​​करण्यात आला. ​अगदी पहिल्या भागात​च​ मालिके​चे कथानक, व्यक्तिरेखा दिगदर्शन ​उत्तम असल्याचे प्रकर्षाने जाणवले. मालिकेतील मुख्य कलाकार विजय कदम ह्यांच्या अफलातून अभिनयामुळे ह्या मालिकेला ​प्रेक्षकांची ​विशेष​ पसंती मिळेल यात शंका नाही. ​​बऱ्याच वर्षांनी त्यांनी पुन्हा ​एकदा ​छोट्या पडद्यावर ​पदार्पण केले असले तरी त्यांची अभिनय शैली तेवढीच दांडगी वाटली. ​वयाच्या या टप्प्यातही त्यांच्या अभिनयात कसलीही​​ उणीव जाणव​त नाही​ हे विशेष​. ​त्याच प्रमाणे प्रमाणे ​अभिनेत्री कुंजीका काळवीट हिच्या अभिनयाची देखील ​रसिक प्रेक्षकांमध्येही चर्चा होताना पाहायला मिळ​त आहे​. अभिने​ते विजय कदम ह्यांच्या​ कारकीर्ती​बद्दल आज आपण ​थोडे ​जाणून घेणार आहोत…

अभिनेते विजय कदम आजवर अनेक चित्रपट आणि नाटकांत कामे केली आहेत. टोपी घाला रे बच्चे सबसे अच्छे,​ ​मधुचंद्राची रात्र, देखणी बायको नाम्याची, तोचि एक समर्थ अशा अनेक मराठी चित्रपटात काम करून त्यांनी आपल्या अभिनयाचा ठसा उमटवला. विजय कदम यांनी ​प्रसिद्ध ​चित्रपटा ​‘हळद रुसली कुंकू हसलं’ या ​मध्ये अभिनेत्री अश्विनी भावेच्या पतीची भूमिका साकारली. सही दे सही, टूर टूर, पप्पा सांगा कुणाचे ही त्यांची नाटके देखील तुफान गाजली. अनेकांना हे माहित नसेल ​की अभिनेते विजय कदम ह्यांनी प्रेम विवाह केला असून त्यांची पत्नी देखील मराठी अभिनेत्री आहेत. होय विजय कदम ह्यांच्या पत्नी पद्मश्री जोशी ह्या देखील ​प्रसिद्ध ​अभिनेत्री आहेत.​ ​नणंद भावजय, पोरीची धमाल बापाची कमाल, नवलकथा या चित्रपटात पद्मश्री जोशी ह्यांनी अभिनय साकारला आहे.​ विजय कदम आणि पद्मश्री जोशी ह्यांनी ​भरपूर ​नाटकात एकत्रित कामे केली​, तेव्हाच विजय यांनी दोनदा ​मागणी घालूनही त्यांनी लग्नाला नकार दिला होता​,​ परंतु ​’विच्छा माझी पुरी करा​’ या नाटकातील विजय कदम यांनी साकारलेल्या भूमिकेमुळे ​पद्मश्री स्वतःहून त्यांच्या प्रेमात पडल्या आणि आपला होकार कळ​विला. ​

सध्या पद्मश्री जोशी ह्या चित्रपट आणि नाटकांपासून थोड्या दूरच ​आहेत, ​परंतु ​काही दिवसांपूर्वी चला हवा येऊ द्या च्या ​मंचावर दोघांनी जोडीने हजेरी लाव​ली, हि रसिक चाहत्यांसाठी पर्वणीच होती. बऱ्याच कमी लोकांना हे माहित असेल कि विजय कदम ह्यांच्या पत्नी पद्मश्री जोशी आणि पल्लवी जोशी ह्या ​सख्ख्या बहिणी आहेत. तर ​प्रसिद्ध ​संगीत शिक्षिका सुषमा जोशी या यांच्या आई. सुष​​मा जोशी ह्यांना दोन मुली पद्मश्री, पल्लवी आणि एक मुलगा मास्टर अलंकार. मास्टर अलंकार हा देखील एक उत्तम अभिनेता आहे पण ​सध्या तो अभिनयापासून दूर ​असून स्वतःचा बिजनेस सांभाळत आहे. विजय चव्हाण ह्यांच्या पत्नीची बहीण ह्या नात्याने पल्लवी जोशी ह्या विजय कदम ह्यांच्या नात्याने मेव्हणी आहेत. ​सध्या पल्लवी आणि विवेक अग्निहोत्री यांनी एकत्रित समाजकार्यात ​स्वतःला वाहून घेतल्याचे सर्वश्रुत आहे. अभिनय क्षेत्रात आपला ठसा उमठवणाऱ्या या सर्व दिग्ग्ज कलाकारांना मानाचा मुजरा. अभिनेते विजय कदम ​आणि ​ती परत आलीय ह्या मालिकेसाठी ​सर्व कलाकारांना कलाकार.इन्फो टीम तर्फे मनःपूर्वक शुभेच्छा…