सिजन ४ साठी मराठी बिग बॉसचे सजले घर..

बिग बॉसचे शो नेहमीच वादग्रस्त ठरले आहेत मग ते मराठी बिग बॉस असो किंवा हिंदी बिग बॉस मात्र तरीही या शोना सर्वात जास्त टीआरपी मिळालेला दिसून येत आहे. हिंदी बिग बॉसचा १६ वा सिजन लवकरच सुरू होणार आहे हा शो अधिक मनोरंजक व्हावा यासाठी जेनिफर विंगेट, दिव्यांका त्रिपाठी सारख्या सेलिब्रिटींना आमंत्रण देण्यात आले होते मात्र या कलाकारांनी हिंदी बिगबॉसचा प्रस्ताव नामंजूर केलेला पाहायला मिळतो आहे. हिंदी बिग बॉसची आतुरता लागली असतानाच आता लवकरच मराठी बिग बॉसच्या ४ थ्या सिजनची घोषणा करण्यात आली आहे. या शोचा पहिला प्रोमो नुकताच प्रेक्षकांच्या भेटीला आला आहे.

महेश मांजरेकर यांनी तिन्ही सिजनच्या होस्टची जबाबदारी समर्थपणे पार पाडली होती. मात्र आता तीन वर्षांचा करार संपल्याने हा शो कोण होस्ट करणार याबाबत प्रश्नचिन्ह उपस्थित होत आहे. अर्थात बिग बॉसच्या टीमने महेश मांजरेकर यांच्याशी त्याबाबत बोलणे केले आहे. मात्र महेश मांजरेकर यांनी नकार दिल्यास ही जबाबदारी अंकुश चौधरीवर सोपवण्यात येईल असे म्हटले जात आहे. मराठी बिग बॉसच्या घराची झलक नुकतीच समोर आली आहे. या घरात दागिने, आर्टिफिशिअल फ्लॉवर्स, विविध रंगानी रंगवलेल्या घंट्या पाहायला मिळत आहेत. १०० दिवस आणि या एका घरात एकत्र आलेले स्पर्धक काय धमाल करणार याची उत्सुकता आहे. या चौथ्या सिजनमध्ये कोणकोणते स्पर्धक सहभागी होणार याची लिस्ट माध्यमातून व्हायरल होत आहे.

त्यात महत्वाचं म्हणजे अभिनेत्री शर्वरी लोहकरे आणि ओमप्रकाश शिंदे यांच्या नावाची जोरदार चर्चा आहे. या सुखांनो या मालिकेतून शर्वरी लोहकरे प्रेक्षकांच्या समोर आली होती. सूर्यवंशी, बापजन्म अशा चित्रपटातून ती प्रेक्षकांच्या भेटीला आली. तर ओमप्रकाश शिंदे झी मराठीवरील खुलता कळी खुलेना मालिकेत मुख्य भूमिकेत दिसला. या नावामध्ये आणखी एका नावाची चर्चा आहे ती म्हणजे अभिनेत्री तेजश्री जाधव हिची. तेजश्री जाधव हिने दाक्षिणात्य चित्रपटात नाव कमावलं आहे काही हिंदी भाषिक वेबसिरीजमध्ये देखील ती झळकली आहे. त्यामुळे ती मराठी बिग बॉसच्या शोमध्ये सहभागी होईल असे बोलले जात आहे.

येत्या काही दिवसातच मराठी बिग बॉसच्या शोची प्रसारणाची तारीख जाहीर करण्यात येईल. त्यामुळे कलर्स मराठीवरील मालिकांना आता प्रेक्षकांचा निरोप घेण्याची वेळ जवळच येऊन ठेपलेली पाहायला मिळत आहे. आई मायेचं कवच, भाग्य दिले तू मला, सुंदरा मनामध्ये भरली या मालिका लवकरच निरोप घेणार असल्याचे सांगितले जाते. भाग्य दिले तू मला या मालिकेने नुकताच १०० भागांचा टप्पा पार केला आहे. मालिकेतील काकू आणि बोक्याची जोडी प्रेक्षकांच्या पसंतीस उतरल्याने या मालिकेच्या प्रसारणाच्या वेळेत बदल केला जाणार की ही मालिका निरोप घेणार हे येत्या काळात स्पष्ट होईल.