खुडूक कोंबडी पिसाळली विक्या.. किरण मानेच्या खेळीवर प्रेक्षक खुश

मराठी बिग बॉसचा शो कालच्या टास्कमुळे आधीकच रंगलेला पाहायला मिळाला. गेल्या काही दिवसांपासून या शोमध्ये भांडणं वादावादमुळे हा शो पहायला नकोसा वाटत होता. काल बिग बॉसने दोन गटांना खुल्ला करायचा राडा हा टास्क दिला होता. किरण माने, विकास, प्रसाद जवादे यांनी हा टास्क खेळण्याचा निर्णय घेतला. हा टास्क इतका टफ होता की त्यांच्या अंगावर विरोधी टीमने टॉयलेटचा कचरा, शॅम्पू, साबणाचा फेस असे मिळेल ते अंगावर टाकला. कमजोर सदस्य असूनही विकास हे आव्हान तितक्याच ताकदीने पेलत होता.

एका क्षणाला तर विकास पाण्याचा वापर केल्यामुळे थरथर कापत होता. परंतु अशा वेळी किरणने विकासला प्रोत्साहन देत त्याला जागेवर राहण्यास सांगितले. अपूर्वा नेमळेकर, स्नेहलता वसईकर या तर त्या दोघांना उठवण्यासाठी वेगवेगळे प्रयत्न करत होत्या. मात्र त्यांचे प्रयत्न पाहून किरण मानेने खुडूक कोंबडी पिसाळली विक्या असे म्हणत त्यांना अधिकच चिडवण्याचा प्रयत्न केला. प्रसाद जवादे आणि अमृताने देखील हा टास्क उत्तम निभावला. बिग बॉसच्या दुसऱ्या सिजनमध्ये असा टास्क खेळण्यात आला. त्यावेळी पराग कान्हेरेला आपला राग अनावर झाला होता. आणि त्याने नेहा शितोळेच्या कानाखाली वाजवली होती.

त्यावेळी बिग बॉसच्या घरातून परागला बाहेर काढण्यात आले होते. मात्र कालचा टास्क पाहून किरण माने यांच्या संयमावर पराग खुश झालेला पाहायला मिळाला. त्यांच्या खेळीचं परागने कौतुक करत या संयमासाठी किरणच्या १०० चुका माफ असे म्हटले आहे. केवळ परागच नाही तर या शो पाहणाऱ्या प्रेक्षकांनी देखील किरणचं आणि विकासचं कौतुक केलं आहे. हे दोघेही अपूर्वाला तगडी फाईट देताना दिसल्याने आज होणाऱ्या टास्कमध्ये अपूर्वा त्यांना कशी टक्कर देते याची उत्सुकता निर्माण झाली आहे. सध्या तर त्यांच्याच खेळाची जास्त चर्चा रंगलेली पाहायला मिळत आहे.