बिग बॉसच्या घरात श्रेयस तळपदेची एन्ट्री! स्पर्धक की पाहुणा?

​बिग बॉस शो ​प्रमाणेच घरात कोण सेलिब्रिटी येणार याची​ चर्चा आणि उत्सुकता प्रेक्षकांना ​नेहमी असते. शो सुरु होण्याच्या शेवटच्या क्षणापर्यंत बिग बॉसच्या घरात ​येणारे सोळा स्पर्धक कोण आहेत ​याची उत्सुकता शिगेला पोहोचली होती. २ ऑक्टोबर पासून बिग बॉस मधील घरात स्पर्धकांचा प्रवास सुरू झाला. पण आता अचानक एका प्रसिद्ध अभिनेत्याने बिग बॉसच्या घरात एन्ट्री घेतल्याने प्रे​​क्षकांच्या मनात अनेक प्रश्न डोकावले आहेत. हा अभिनेता आहे श्रेयस तळपदे. श्रेयसने या बिग बॉसच्या घरात एन्ट्री का केली असा प्रश्न सध्या सोशल मीडियावर धुमाकूळ घालत आहे. श्रेयस स्पर्धक म्हणून आलाय की पाहुणा म्हणून? हे लवकरच समजेल.

बिग बॉस मराठीच्या चौथ्या पर्वाला रविवारपासून सुरुवात झाली आहे. बिग बॉसच्या यंदाच्या पर्वामध्ये १६ कलाकार स्पर्धक म्हणून सहभागी झाले आहेत. प्रत्येकजण स्वतःचं अस्तित्व सिद्ध करण्यासाठी धडपडत आहेत. आता या बिग बॉसच्या घरात लोकप्रिय अभिनेता श्रेयस तळपदे येणार आहे. बिग बॉस मराठी कार्यक्रमाच्या निर्मात्यांनी श्रेयसच्या एंट्रीचा प्रोमो शेअर केला आहे.दरम्यान, श्रेयस तळपदे याचा आपडी थापडी हा मराठी सिनेमा प्रदर्शित होणार आहे. सिनेमाच्या प्रमोशनसाठी श्रेयस बिग बॉस मराठीच्या घरात येणार असल्याचा अंदाज अनेकांनी व्यक्त केला आहे. श्रेयस नक्की कशासाठी या कार्यक्रमात आला आहे, याचा उलगडा लवकरच होणार आहे. बिग बॉस मराठीच्या घरामध्ये श्रेयसनं धमाकेदार एंट्री घेताना दिसत आहे.

एंट्री घेताना श्रेयस म्हणतो की, ‘या घरानं बऱ्याच एंट्री घेताना पाहिल्या असतील.आता होते आहे या घरामध्ये माझी सुद्धा धमाकेदार एंट्री. बघत रहा बिग बॉस मराठी.’ त्यानंतर पुष्पा सिनेमातील झुकेगा नहीं साला हा डायलॉग श्रेयसच्या आवाजात ऐकू येतो. श्रेयसनं बिग बॉस मराठीच्या घरातील प्रवेशानंतर नेटकऱ्यांनी त्यावर मजेशीर कमेंट केल्या आहेत. काही नेटकऱ्यांनी आश्चर्य व्यक्त केलं आहे. एकानं लिहिलं आहे की, श्रेयस यश बनून नेहाच्या पहिल्या नवऱ्याला म्हणजेच अविनाशला भेटायला आला नाही ना! नेहाचा नवरा साकारणारा अभिनेता निखिल राजेशिर्के हा बिग बॉस मधील स्पर्धक म्हणून सहभागी झाला आहे. अचानक एन्ट्री घेतलेल्या श्रेयशची आणि अविनाशची बिग बॉसच्या घरातील भेट पाहण्यासाठीही चाहते उत्सुक आहेत.