महेश मांजरेकर का भडकले सोनालीवर? विशाल आणि सोनालीचं गुपित नेमकं आहे तरी काय?

बिग बॉसच्या चावडीवर आज महेश मांजरेकर कोणाची खरडपट्टी काढणार आणि कोणाचं कौतुक करणार याची उत्सुकता आहे. बिग बॉसच्या कॅप्टनसीच्या टास्क दरम्यान विकास आणि विशाल यांच्यात काल पुन्हा एकदा वाद झालेला पाहायला मिळाला. विकास जयला हाक मारतो त्यावेळी विशाल माझ्याशी बोल म्हणतो. तेव्हा विकास जयला बॉस आणि विशाल त्याचा नोकर आहे असे म्हणतो. मी टीमसाठी खेळतो असं विशाल म्हणतो त्यावेळी विकासने त्याला अगोदरच्या टास्कची आठवण करून दिली आणि त्यावेळी तू वैयक्तिक पण खेळत नाहीस आणि ग्रुपसाठी पण खेळत नाहीस तू फक्त माती केलीस असं विकास विशालला सांगतो.

आजच्या भागात महेश मांजरेकर सोनालीच्या वागण्यावर चांगलेच भडकलेले पाहायला मिळणार आहेत. सोनाली आणि विशाल यांच्यात गेल्या काही दिवसांपासून वाद सुरू झाले आहेत. सोनालीचे लग्न ठरलंय आणि त्याचं नाव अक्षय आहे असं विकासने विशालला सांगितले होते तेव्हा सोनाली माझ्या इमोशन्सशी खेळतीये असं विशालने म्हटलं होतं. त्यामुळे विशाल आणि सोनाली यांच्यात खरंच काही आहे का असा प्रश्न प्रेक्षकांना पडला आहे. ह्याच मुद्द्यावरून विशाल महेश मांजरेकर यांना स्पष्टीकरण देत असतो, ‘सोनाली मला एक गोष्ट सांगते पण ती तशी नाहीचेय’ असं विशाल सोनालीच्या बाबत म्हणतो. त्यावर सोनाली स्पष्टीकरण देते की, ‘काही गोष्टी आहेत त्या आपण कॅमेऱ्यासमोर नाही बोलू शकत’. सोनालीच्या या स्पष्टीकरणावर विशाल म्हणतो की ‘तु मला व्हिलन ठरवतीयेस त्यामुळे मला बोलावं लागतं…’ सोनाली विशालला थांबवण्याचा प्रयत्न करते त्यावेळी महेश मांजरेकर सोनालीवर चिडतात आणि सोनाली तुला बाहेर काढीन मी तिथून…’ असं म्हणून तिला गप्प करतात.

काही वेळाने ‘सोनाली माझ्यासोबत कानामध्ये माईक सोडून काय बोलत होतीस ते तू सांगणार आहेस की मी सांगू’ असं बिग बॉसच्या चावडीवर म्हणताच सोनालीला रडू कोसळले. विशाल असे कुठले स्पष्टीकरण देणार आहे ज्या मुळे सोनालीला बिग बॉसच्या घरात रडू कोसळलं आहे. आजच्या भागात सोनाली विशालसोबत नेमकं काय म्हणाली होती ते पाहायला मिळणार असल्याने बिग बॉसच्या चावडीची प्रेक्षक आतुरतेने वाट पाहत आहेत.