बिग बॉसच्या घरात वाईल्ड कार्ड एन्ट्री… ही सुंदर अभिनेत्री होणार दाखल

वाईल्ड कार्ड द्वारे एन्ट्री घेतलेल्या सदस्यांना नेहमीच महत्व दिले जाते कारण एवढे दिवस बिग बॉसच्या घरातील सदस्य कसे आहेत हे त्याला चांगलेच ठाऊक असते. त्यामुळे घरातील इतर सदस्य ह्या नव्याने येणाऱ्या सदस्यांपासून जरा संभाळूनच राहिलेले दिसतात. मागच्या काही दिवसांपूर्वी आदीश वैद्य याने वाईल्ड कार्ड एन्ट्री घेतली होती. बिग बॉसच्या घरात दाखल होताच जयशी त्याचा मोठा वाद झाला होता. आदिश आता सर्वांची बोलती बंद करणार म्हणून प्रेक्षक देखील भलतेच खुश झालेले पाहायला मिळाले.

मात्र काही दिवसातच आदिशला बिग बॉसच्या घरातून बाहेर पडावे लागले. आदिशच्या चाहत्यांना त्याचे असे बाहेर निघणे मुळीच पटले नाही प्रेक्षकांनी आदिशला पुन्हा एकदा घरात बोलवावे अशी मागणी जोर धरताना दिसत होती. परंतु आता पुन्हा एकदा नव्याने आणखी एक सदस्य बिग बॉसच्या घरात दाखल होणार असल्याचे समोर आले आहे. या सदस्याच्या एंट्रीचा नुकताच एक प्रोमो रिलीज करण्यात आला, त्यात एका अभिनेत्रीची झलक पाहायला मिळाली. बिग बॉसच्या घरात नव्याने दाखल होत असलेली अभिनेत्री आहे नीता शेट्टी. नीता शेट्टी ही मूळची बंगलोरची, हिंदी मालिकांमधून तिने आपल्या अभिनयाचा ठसा उमटवला आहे. आजवर अनेक हिंदी मालिकांमधून तिला महत्वाच्या भूमिका मिळत गेल्या आहे. गेल्या दोन दशकांहून अधिक काळापासून तीनदा हिंदी मालिका सृष्टीत स्वतःचे स्थान निर्माण केले आहे. ममता, तुम बिन जाऊं कहां, बनू मै तेरी दुलहन, मानो या ना मानो, तेनाली रामा,  ढुंढ लेगी मंजिल हमें, सीआयडी, रात होने को है, कहीं तो होगा, घर की लक्ष्मी बेटीयां,क्राईम पेट्रोल अशा अनेक हिंदी मालिकांमधून तिने विविधांगी भूमिका साकारल्या आहेत.

हिंदी मालिका सृष्टीत काम केल्यानंतर तिला मराठी चित्रपटात देखील झळकण्याची संधी मिळाली. सुबोध भावे, स्वप्नील जोशी, प्रार्थना बेहरे यांच्या सोबत नीता शेट्टी ही फुगे या मराठी चित्रपटात मुख्य नायिकेच्या भूमिकेत दिसली होती. फुगे हा तिचा पदर्पणातील पहिला मराठी चित्रपट ठरला, या चित्रपटाव्यतिरिक्त सर्व लाईन व्यस्त आहे आणि तुला कळणार नाही या आणखी काही मराठी चित्रपटात तिला झळकण्याची संधी मिळाली आहे. अमराठी असूनही मराठी भाषेचे ज्ञान तिला असल्याने मराठी चित्रपट सृष्टीतही तिने स्वतःची ओळख निर्माण केलेली दिसून आली. विनोदी तसेच गंभीर भूमिका तिने लीलया साकारलेल्या पाहायला मिळाल्या. बिग बॉसच्या घरात आता तिला वाईल्ड कार्ड द्वारे दाखल होण्याची संधी मिळाली आहे. आजच्या एपिसोड मध्ये ती बिग बॉसच्या घरात जाणार असल्याचे सांगितले जाते. मराठी बिग बॉसच्या शोमध्ये येऊन ती प्रेक्षकांचे मनरंजन करण्यास पात्र ठरेल की नाही हे येत्या काही दिवसातच स्पष्ट होईल परंतु ती आधीच्या सदस्यांना कितपत आपलेसे करणार याचीही प्रेक्षकांना उत्सुकता लागून राहिली आहे. बिग बॉसच्या घरात दाखल होत असलेल्या नीता शेट्टी हिला मनःपूर्वक शुभेच्छा.