सून करण कुंद्रा तू मेरे.. अभिजित बिचुकले यांनी करणला दिली १५० रुपयांची ऑफर

​​अभिजित बिचुकले यांनी मराठी बिग बॉस सिजन २ तसेच हिंदी बिग बॉसचा १५ व्या सिजनमध्ये हजेरी लावून चांगलाच धुमाकूळ घातला होता. तसाही बिग बॉसचा शो हा सदस्यांच्या बेताल वक्तव्यामुळे नेहमीच चर्चेत राहत असतो​.​ मात्र हिंदी बिग बॉसच्या शोमध्ये अभिजित बिचुकले यांनी देवोलीनाला किस मागून स्वतःवर संकट ओढून घेतले होते​.​ यामुळे बिग बॉसच्या घरातील बहुतेक सर्वच सदस्य अभिजित बिचुकले यांच्यावर भडकले होते. अगदी सलमान खानने देखील बिचुकलेंवर राग व्यक्त केलेला पाहायला मिळाला होता. दरम्यान शोचा फिनाले समोर असतानाच बिचुकलेना घराबाहेर काढण्यात आले होते​.​

याचा राग मनात धरून त्यांनी एक पत्रकार परिषद घेऊन सलमान खान आणि शोच्या आयोजकांवर आरोप लावले होते. त्यानंतर आता बिचुकले यांनी करण ​कुंद्राला टार्गेट करत एक ट्विट केलेले पाहायला मिळत आहे. या ट्विट मध्ये अभिजित बिचुकले यांनी करण कुन्द्राला उद्देशून म्हटले आहे की, प्रतीक शमिता तेजस्वी उमर सारे​ अच्छे कलाकार तो बिझी है​,​ सून करण ​कुंद्रा तू मेरे पेढे का ऍड करेगा क्या? १५० रुपया असे म्हणत अभिजित बिचुकले यांनी करण ​कुंद्राला चक्क बेरोजगार म्हटले आहे. अभिजित बिचुकले यांचे पुण्यात कं​​दी पेढ्यांचे दुकान आहे. त्यामुळे आपल्या कंदी पेढ्यांचा ऍडसाठी त्याने करणला ऑफर देऊ केली आहे.

अर्थात हे सर्व चर्चेत राहण्यासाठी अभिजित बिचुकले यांनी म्हटले असले तरी, करण सध्या त्याच्या आगामी प्रोजक्ट​ ​निमित्त गोव्यात गेला आहे. रुला देती है या म्युजिक व्हिडीओमध्ये करण आणि तेजस्वी प्रकाश एकत्रित झळकताना दिसणार आहेत. एम टीव्ही रोडीज, आणि बेताब दिल की तमन्ना है, आहट, ये कहा आ गये हम, कितनी मोहब्बत है अशा काही हिंदी मालिकांमधून त्याने काम केले आहे. तर लव्ह स्कुल या रिऍलिटी शोचे सूत्रसंचालन त्याने त्याची एक्स गर्लफ्रेंड अनुशा दांडेकर हिच्यासोबत केले होते. अनुशासोबतचे नाते संपुष्टात आल्यानंतर, बिग बॉसच्या घरात करण आणि तेजस्वी प्रकाश यांच्यात सुर जुळून आले.

बॉस सिझन १५ ची विजेती ठरल्या नंतर तेजस्विनी सध्या हिंदी टेलिव्हिजन मालिका नागीण मध्ये व्यस्त आहे. तसेच तेजस्वीनी आणि करण हे दोघेही एकत्रित प्रोजेक्ट्समधून काम करताना दिसत आहेत​. त्यांच्या ​मालिकेचे चित्रीकरण देखील सुरु झाले आहे. अभिजित बिचुकले यांनी केलेल्या ट्विट नंतर करण ​कुंद्रा नेमकी काय भूमिका घेतो याची उत्सुकता आता त्याच्या चाहत्यांना आहे. दरम्यान बिचकुले यांच्या ट्विट मुळे बऱ्याच चाहत्यांनी या विषयावर नाराजी देखील दर्शविली आहे. फक्त हे वक्तव्य अभिजित बिचुकले यांच्या अंगलट येऊ नये म्हणजे मिळवलं.​​