प्राजक्ताचा अतिशय बोल्ड लूक.. चाहते झाले अवाक

बोल्डनेस म्हटलं की हॉलिवूडच्या मालिका, हिंदी किंवा दाक्षिणात्य सिनेमातील काही हॉट सीन यापलीकडे कल्पनाशक्ती जात नाही. मराठीत अजून तितका बोल्डनेस दाखवण्याची धाडस क्वचितच झालं. त्यात वेबसिरीजमध्ये बोल्ड सीनचा ट्रेंड आहे पण मराठी प्रेक्षकांच्या मानसिकतेचा किनारा लक्षात घेऊनच मराठी सिनेमा, मालिका किंवा वेबसिरीजमध्ये बोल्ड दृश्ये दाखवली जातात. पण आता मराठीमध्ये आलेल्या रानबाजार या वेबसिरीजच्या टीझरने अनेकांच्या भुवया उंचावल्या आहेत. नुकताच रानबाजार या वेबसिरीजचा टीझर प्रदर्शित झाला तर १८ मे ला ट्रेलर येणार आहे. मराठमोळी आणि सोज्वळ अभिनेत्री प्राजक्ताचा बोल्ड लूक पाहून सर्वजण अवाक् झाले आहेत.

तर तिच्यासोबत तेजस्विनी पंडित हिच्यावरही बोल्ड सीन चित्रीत झाल्याचं टीझरमध्ये दिसतंय. यामुळे साहजिकच रानबाजार या वेबसिरीजची उत्सुकता शिगेला पोहोचली आहे. राजकीय विषयाची पार्श्वभूमी, थ्रिलिंग कथा आणि बोल्डनेसच्या सीमा पार करणारी दृश्यं यामुळे टीझर चर्चेत आला आहे. या वेबसिरीजचे दोन टीझर प्रदर्शित झाले आणि या वेबसीरीजने लक्ष वेधून घेतलं आहे. मुख्यमंत्री महिला नेत्या शपथ घेत असल्याचे ऐकू येते. स्क्रिनवर तेजस्विनी विवस्त्र होताना दाखवण्यात आले आहे. तर दुसऱ्या टीझरमध्ये प्राजक्ताचा बेडसीन दाखवण्यात आला आहे. मराठी वेबसिरीजच्या आतापर्यंतच्या इतिहासात टीझर बोल्ड असल्याने या सिरीजची जोरदार चर्चा आहे.

ठाकरे, रेगे या सिनेमाचा निर्माता अभिजित पानसे याची ही वेबसिरीज एक वेगळा प्रयोग असल्याचे त्याचे म्हणणे आहे. प्राजक्ता माळी आणि तेजस्विनी पंडित यांनी त्यांच्या सोशल मीडियावर हे टीझर शेअर केले आहेत. सचिन खेडेकर, मोहन आगाशे, मकरंद अनासपुरे, अभिजित पानसे सोबत उर्मिला कोठारे आणि माधुरी पवार देखील असणार आहेत. प्राजक्ता माळी म्हणतेय की, कलाकाराला त्याच्या आयुष्यात वेगवेगळया आव्हानात्मक भूमिका करायच्या असतात. ती संधी मला या वेबसिरीजने दिली आहे. माझ्यावर आणि अभिनयावर विश्वास ठेवून या वेबसिरीजच्या टीमने दिलेल्या संधीकडे मी कलाकृती म्हणून पाहते. खूप वेगळा विषय आणि वेगळा प्रयोग यानिमित्ताने करायला मिळतोय.

तेजस्विनीनेही या वेबसिरीजची वन लाइन स्टोरी शेअर केली आहे. मदत करून पाहिली, त्याग करून पाहिला. आता हे चक्रीवादळ कोणा भोवती फिरणार? रानबाजारमध्ये नेमकं काय पहायला मिळणार, प्राजक्ताचा बोल्ड लूक कसा असणार? तेजस्विनीची, उर्मिला आणि माधुरी यांची भूमिका कशी असणार या प्रश्नांनी चाहत्यांच्या मनात काहूर माजलं आहे. शिवाय प्राजक्ता या टीझरमधील बोल्डलुकमुळे काही नेटकऱ्यांकडून ट्रोल झाली आहे. तिला सोज्वळ रूपातच पहायला आवडेल असं म्हणत चाहत्यांनी तिला प्रतिक्रिया दिल्या आहेत. तर अशी भूमिका करायची काय गरज होती अशाही कमेंट तिला आल्या आहेत. आता रानबाजार उद्या प्रदर्शित झाल्यानंतरच या प्रश्नांची उत्तर मिळू शकतील.