शिवानी विराजसच्या लग्नाचा ​अक्षय तृतीयेच्या मुहूर्तावर उडाला बार.. पहा खास फोटो

​​मराठी सृष्टीत गेल्या काही दिवसांपासून सेलिब्रिटींच्या लग्न सोहळ्याला उधाण आलेले पाहायला मिळाले आहे. मंगळवारी तुझ्यात जीव रंगला मालिकाफेम हार्दिक जोशी आणि अक्षया देवधर यांचा साखरपु​​डा पार पडला. साखरपुड्याचे खास फोटो आणि व्हिडीओ या दोघांनी आजच सोशल​ मीडियावर शेअर करून सर्वांना आश्चर्यचकित केले​. अर्थात हे दोघे मालिकेतून एकत्रित काम करताना ​​दिसले होते​.​ मात्र मालिका संपल्यानंतरही या दोघांच्या भेटीगाठी वाढू लागल्या होत्या​.​ परंतु हे दोघे साखरपुडा करणार याची पुसटशी कल्पना देखील कोणी केलेली नव्हती.

आज अचानकपणे त्यांनी ही बातमी सोशल मीडियावर शेअर करून दिल्याने त्यांच्या चाहत्यांमध्ये उत्साहाचे वातावरण पाहायला मिळाले. एकीकडे हार्दिक जोशी आणि अक्षया देवधर यांच्या साखरपुड्याची बातमी व्हायरल होत असतानाच दुसरीकडे​ विराजस कुलकर्णी आणि शिवानी रांगोळे यांनी मोठ्या थाटात लग्न सोहळा पार केलेला पाहायला मिळतो आहे.​ ​काल ३ मे २०२२ रोजीच विराजस कुलकर्णी आणि शिवानी रांगोळे विवाहबद्ध झाले आहेत. गेल्या काही दिवसांपूर्वी विराजस कुलकर्णी आणि शिवानी रांगोळे यांचे ७ मे रोजी लग्न होणार अशी त्यांची एक लग्नपत्रिका सोशल मीडियावर व्हायरल झाली होती​.​ त्यावरून हे दोघेही ७ मे रोजी लग्न करणार असल्याची चर्चा रंगली​.

मात्र हे मीडियापासून लांब राहण्यासाठी तसेच त्यांना अनभिज्ञ ठेवण्यासाठी ही खोटी तारीख जाहीर करण्यात आली होती​​ हेच त्यावरून दिसून आलेले पाहायला मिळाले. १ मे रोजी शिवानी आणि विराजसचा मेहेंदीचा सोहळा मोठ्या थाटात पार पडला तर काल २ मे रोजी हळदीचा सोहळा पार पडला. त्यावरून हे दोघेही आज ​​अक्षय तृतीयेच्या मुहूर्तावर लग्नगाठ बांधणार असे समजले होते. Finally​!​ असे म्हणत आज या दोघांनी लग्नगाठ बांधून आश्चर्याचा धक्का दिलेला आहे. त्यांच्या लग्नाचे खास फोटो सध्या सोशल मीडियावर व्हायरल होत आहेत. हार्दीक जोशी आणि अक्षया देवधर यांना त्यांच्या साखरपुड्यानिमित्त तसेच विराजस आणि शिवानी यांना लग्नसोहळ्यानिमित्त खूप खूप शुभेच्छा.