चंदू चिमणेच्या चिमणीला ओळखलंत.. या अभिनेत्रीने साकारली भूमिका

तू तेव्हा तशी या मालिकेत सौरभ आणि अनामीकाचा मित्र म्हणजेच चंदू चिमणे प्रेक्षकांच्या पसंतीस उतरला आहे. त्याच्या धांदरटपणामुळे त्याच्या पत्नीलाही त्याचा त्रास होत आहे. चिमणे अमृततुल्य हा व्यवसाय सांभाळणाऱ्या चिमणा चिमणीची ही मजेशीर जोडी मालिकेत धमाल उडवताना दिसत आहे. ही भूमिका किरण भालेराव आणि दिशा दानडे यांनी साकारली आहे. दिशा दानडे ही मालिका तसेच नाट्य अभिनेत्री आहे. सांग तू आहेस का या मालिकेत तीने सीमाची भूमिका गाजवली होती. ही भूमिका दिशासाठी अधोरेखित करणारी ठरली होती. आजवर दिशाने नाटक मालिकेतून विनोदी भूमिका साकारल्या होत्या.

मात्र सीमाची भूमिका शांत राहून केवळ चेहऱ्यावरील हावभाव वरून अभिनय साकारायची होती. सीमाची ही अतिशय शांत आणि गूढ वाटणारी भूमिका होती. मालिकेत सीमाच जणू काही भूत आहे अशी ती भूमिका होती त्यामुळे तिच्या या भूमिकेचे खूपच कौतुक झाले होते. विदर्भ भाषेचा बाज असलेली तिची ही भूमिका कावडे या डायलॉगमुळे खूपच लोकप्रिय झाली. सुरुवातीला अभिनय क्षेत्रात येण्यासाठी दिशाच्या घरच्यांनी तिला विरोध केला होता. त्यामुळे घरी न सांगताच एकदा तीने राज्यनाट्य स्पर्धेत सहभाग घेतला होता. नाटकाच्या तालमीसाठी ती घरातून गुपचूप निघून जायची. नाटकातील तिच्या भूमिकेला रौप्यपदक मिळाले असे तिला सांगण्यात आले, मात्र त्यावेळी ती वारीमध्ये सामील झाली होती.

म्हणून हे बक्षीस स्वीकारण्यासाठी तिचे बाबा साध्या वेशामध्ये गेले होते. मात्र समोरचे चित्र पाहून त्यांना हे काहीतरी कमालीचं आणि खूप मोठं आहे याची जाणीव झाली. तेव्हापासून त्यांनी दिशाला नाटकात काम करण्याची परवानगी दिली. फुलराणी, गुण्यागोविंदाने असे हौशी, व्यावसायिक नाटक करता करता दिशाने मालिका सृष्टीत पदार्पण केले. जागो मोहन प्यारे या मालिकेतून दिशा छोट्या पडद्यावर झळकली. या मालिकेनंतर दिशा पुन्हा एकदा झी मराठीवर झळकत आहे. तू तेव्हा तशी मालिकेत दिशाला चंदू चिमणेच्या पत्नीची भूमिका मिळाली आहे. हे दोघेही विनोदी भूमिकेत असून मालिकेतील दोघांची नोकझोक प्रेक्षकांचे मनोरंजन करत आहे. तू तेव्हा तशी या नव्या मालिकेसाठी दिशाचे खूप खूप अभिनंदन.