स्वातंत्र्यवीर सावरकर चित्रपटात झळकणार ही मराठमोळी अभिनेत्री..

वीर सावरकरांच्या जयंतीनिमित्त २८ मे रोजी स्वातंत्र्यवीर सावरकर या सिनेमाची घोषणा करण्यात आली होती. सिनेमाचे दिग्दर्शन अगोदर महेश मांजरेकर करणार होते, पण त्यांनी यातून काढता पाय घेतल्याचे वृत्त समोर आले. त्यानंतर दिग्दर्शनाची जबाबदारी रणदीप हुड्डा कडे सोपवण्यात आली. ‘स्वातंत्र्यवीर सावरकर’ या चित्रपटाची संकल्पना संदीप सिंग यांची आहे. सिनेमाची कथा उत्कर्ष नैथानी आणि रणदीप हुड्डा यांनी लिहिलेली आहे. आनंद पंडित, मोशन पिक्चर्स आणि लिजेंड स्टुडिओजची निर्मिती असणारा हा सिनेमा पुढीलवर्षी प्रदर्शित होणार आहे.

छोटा पडदा गाजवणारी अभिनेत्री अंकिता लोखंडे सिनेमात मुख्य भूमिकेत दिसणार आहे. स्वत: रणदीप आणि अंकिताने याविषयी माहिती दिली आहे. अंकिताने रेट्रो लूक शेअर करत याविषयी लिहिले की, ही खास गोष्ट रसिक प्रेक्षकांसोबत शेअर करण्याची मी आतुरनेते वाट पाहत होते. स्वातंत्र्यवीर सावरकर चित्रपटातील हिरोईन म्हणून माझ्या करिअरची नवी सुरुवात आहे. संदीप सिंग हे तुझ्याशिवाय शक्य झाले नसते. तू माझा सर्वात मोठा आधार आहेस आणि चांगला मित्र आहेस. प्रोड्युसर साब तुझा प्रवास खूप कौतुकास्पद आहे. तिने दिग्दर्शक रणदीप हुड्डा आणि निर्मात्यांचेही आभार मानले आहेत. बॉलीवूड अभिनेता सुशांत सिंह राजपूत याच्यासोबत अंकिता रिलेशनशिप मध्ये होती.

पवित्र रिश्ता या मालिकेमुळे अंकिता घराघरात पोहोचली. सुशांतच्या ब्रेकअप नंतर अंकिताने उद्योजक विकी जैन याच्याशी लग्न केलं. अंकिता आणि विकी यांचे व्हिडिओ आणि फोटो चाहत्यांची नेहमीच पसंती मिळवत असतात. काही महिन्यांपूर्वी विकी आणि अंकिता यांना एका रियालिटी शोमध्ये बेस्ट कपल हा पुरस्कार देखील मिळाला आहे. लग्न झाल्यापासून अंकिता अभिनयापासून दूर होती. त्यामुळे तिच्या चाहत्यांना तिला कधी एकदा अभिनय करताना पाहतो असं वाटत होतं. आता अंकिताने तिच्या चाहत्यांसाठी एक दणदणीत ट्रीट दिली आहे. स्वातंत्र्यवीर सावरकर या सिनेमातील अंकिताचा पहिला लूक समोर आला असून लवकरच या सिनेमात पाहण्याची पर्वणी प्रेक्षकांना मिळणार आहे.