​सुंदरा मनामध्ये भरली मालिकेत आणखी एक ट्विस्ट.. या अभिनेत्रीची होणार एन्ट्री

सुंदरा मनामध्ये भरली या मालिकेत दौलतला पोलिसांच्या ताब्यात देण्यात आलं आहे त्यामुळे अभिमन्यू आणि लतीकाने सुटकेचा श्वास सोडला आहे. अभिमन्यूच भानुप्रिया बनून आपल्याला जाळ्यात अडकवत होता याचा उलगडा दौलत आणि त्याच्या वडिलांना झाला आहे. त्यामुळे मालिकेत आता आणखी कोणतं नवं षड्यंत्र रचले जाणार याची उत्सुकता असतानाच मालिकेत नव्या सदस्याची एन्ट्री झालेली पाहायला मिळणार आहे. मालिकेचा नवा प्रोमो नुकताच प्रेक्षकांच्या भेटीला आला असून ही नवी सदस्य रस्त्याच्या मध्येच फोनवर बोलत असताना अभ्याच्या गाडीला धडकते. या सदस्यामुळे मालिकेत आता कुठले नवे वळण मिळणार याची उत्सुकता निर्माण झाली आहे.

अर्थात हे पात्र सकारात्मक असावे अशी आशा प्रेक्षकांनी व्यक्त केली आहे. मात्र आता हा ट्विस्ट अभ्या आणि लतीकाच्या नात्यात वादळ घेऊन येणार की आणखी कुठले कारस्थान रचणार हे येत्या काही दिवसातच स्पष्ट होईल. तूर्तास मालिकेत या नव्याने दाखल होत असलेल्या नायिकेबद्दल जाणून घेऊयात. मालिकेत नव्याने दाखल होत असलेल्या अभिनेत्रीचे नाव आहे राधा सागर. राधा ही मराठी तसेच हिंदी चित्रपट आणि मालिका अभिनेत्री आहे. बहुतेक मालिकांमधून तिच्या वाट्याला विरोधी भूमिकाच आलेल्या पाहायला मिळाल्या आहेत. मात्र सुंदरा मनामध्ये भरली या मालिकेत तिच्या भूमिकेबाबत येत्या काही दिवसात स्पष्टीकरण मिळेल. राधा सागर हिने आई कुठे काय करते या लोकप्रिय मालिकेत अंकीताची भूमिका साकारली होती.

एक मोहोर अबोल, महाराष्ट्राची हास्यजत्रा, लक्ष्य, अस्मिता, असे हे कन्यादान, डॉ बाबासाहेब आंबेडकर, चाहूल, ये रिश्ता क्या केहलाता है, बावरा दिल अशा हिंदी तसेच मराठी मालिकांमधून तिने भूमिका साकारल्या आहेत. एक अलबेला, विकून टाक, मलाल, ठाकरे, मंकी बात, कन्डीशन्स अप्लाय, अवगत, बेनवाड या मराठी तसेच बॉलिवूड चित्रपटातही राधिका झळकली आहे. अमृत कलशच्या जाहिराती मधून राधाने मिलिंद सोमण यांच्यासोबत काम केले आहे. हिंदी मालिका चित्रपट तसेच मराठी मालिका आणि चित्रपटातून राधाने स्वताची ओळख निर्माण केलेली पाहायला मिळत आहे. कलर्स मराठीवरील सुंदरा मनामध्ये भरली या मालिकेतून ती पुन्हा प्रेक्षकांच्या भेटीला येत आहे. या नव्या भूमिकेसाठी राधा सागर हिचे अभिनंदन.