तेजस्विनी लोणारी बिग बॉसच्या घरात झाली दाखल..

​​मराठी बिग बॉसच्या चौथ्या सिजनची स्पर्धक तेजस्विनी लोणारी आता बिग बॉसच्या घरात दाखल झाली आहे. गेल्या काही दिव​​सांपासून तेजस्विनी हाताला झालेल्या दुखापतीमुळे घराबाहेर पडली होती. मात्र ती बिग बॉसच्या घरातून बाहेर पडताच तिला पुन्हा घरात घ्यावे अशी मागणी चाहत्यांकडून करण्यात आली होती. तेजस्विनीच्या हाताची पट्टी देखील आता निघाली असल्याने ती बिग बॉसमध्ये येईल अशी पुन्हा चर्चा सुरू झाली. तेजस्विनी म्हणते की​​, जेंव्हा सगळंच संपलय असं आपल्याला वाटून जातं. तेव्हा तिच खरी वेळ असते नवं काहीतरी सुरु होण्याची.

गुरुवारी हात फॅक्चर झाला होता आणि आज गुरुवारीच तो बरा देखील झाला आहे. आयुष्यातील खडतर प्रवासात तुम्हा लोकांची ज्यापद्धतीने मला साथ लाभली आहे, ते पाहता माझ्यासारखा भाग्यवान दुसरा कोणी नसेल. तुमचे मनापासून आभार. मात्र या पोस्टनंतर ती लगेचच बिग बॉसच्या घरात पाहायला मिळत आहे. यावरून ती बिग बॉसमध्ये पुन्हा स्पर्धक बनून परतली असल्याचे म्हटले जात आहे. परंतु काही दिवसांपूर्वीच तेजस्विनीने या चर्चावर पूर्णविराम दिला होता. मी बिग बॉसच्या घरात जाणार नाही असे तिने एका पोस्टमध्ये स्पष्ट केले होते. तेजस्विनी यावेळी स्पर्धक बनून नाही तर घरातील सदस्यांची भेट घ्यायला आली आहे, अशी प्राथमिक माहिती समोर येत आहे. बिग बॉसचा चौथा सिझन संपायला आता काहीच दिवस शिल्लक राहिले आहेत.

८ जानेवारी २०२३ रोजी शोचा ग्रँड फिनाले रंगणार आहे. बिग बॉसचे टॉप पाच स्पर्धक कोण असतील याची चर्चा सुरू असतानाच तेजस्विनी पुन्हा घरात दाखल झाली. दुर्दैवाने टॉप ५ मध्ये मी नसणार, पण माझ्या शुभेच्छा मात्र माझ्या प्रतिस्पर्धी मित्रांसोबत असतीलच. माझ्यासाठी प्रेक्षकांनी दिलेल्या शुभेच्छा आणि पाठिंबा खूप मोलाचा आहे. प्रेक्षक इतकं भरभरून प्रेम करतील याची मी कल्पनेत सुद्धा विचार करू शकले नाही. असे म्हणत तिने घरातील सर्व सदस्यांना शुभेच्छा दिल्या आहेत. तिच्या खुलास्यानंतर बिग बॉसच्या घरात परतणार नसल्याचे स्पष्ट झाले होते. मात्र ती पुन्हा घरात आल्याने तिच्या चाहत्यांच्या आशा पल्लवित झाल्या आहेत. तेजस्विनी घरात स्पर्धकांना भेटायला आली की स्पर्धक बनून आली याबाबत लवकरच स्पष्ट होईल.