खोट्या जयदीपचा चेहरा येणार समोर.. मालिकेच्या विशेष भागात धक्कादायक ट्विस्ट

सुख म्हणजे नक्की काय असतं या मालिकेत गेल्या काही दिवसांपूर्वी जयदीपने गौरीला कड्यावरून ढकलून दिलेले असते. मात्र या संकटातून गौरी सुखरूप वाचून पुन्हा शिर्के कुटुंबात दाखल होते. त्यावेळी ती माईला घडलेला प्रकार सांगते. जयदीप असा का वागला याचा शोध गौरी आणि माई घेत असतात. मात्र आता लवकरच मालिकेतून एक धक्कादायक ट्विस्ट पाहायला मिळणार आहे. मालिकेच्या होळी विशेष भागात जयदीपचा खरा चेहरा प्रेक्षकांसमोर येणार आहे. जयदीपच्या वेशातील हा खरा चेहरा म्हणजे अनिल आहे हे आता उघड होणार आहे. अनिलंच जयदीपचे रूप घेऊन ही सर्व कटकारस्थानं करतो हे गौरी आणि माईला देखील लवकरच समजणार आहे.

या प्लॅनमागे शालिनीचा देखील मोठा हात असल्याचे दिसून येणार आहे. अनिल जाधव हा या कटकरस्थान मागचा मुख्य सूत्रधार असून तो जयदीप आणि गौरीच्या आयुष्यात आडकाठी निर्माण करत आहे. तर तिकडे साधी भोळी दिसणारी गौरी आता डॅशिंग भूमिकेत पाहायला मिळत असून शालिनी, मानसी आणि देवकीला चांगलाच धडा शिकवत आहे. मात्र जयदीपच्या वेशात असलेला अनिल गौरी ओळखणार का याची उत्सुकता जास्त आहे. जयदीप हा जयदीप नसून तो अनिल आहे हे समजल्यावर गौरी याचा कसा बदला घेणार. आणि जयदीपला कसे वाचवणार हे येत्या काही दिवसातच मालिकेतून पाहायला मिळणार आहे.

मालिकेत शालिनी, देवकी, मानसी आणि अनिल ही पात्र सुरुवातीपासूनच विरोधी भूमिका दर्शवताना दिसली आहेत. गौरी आणि जयदीप या सर्वांना चांगला धडा शिकवतील अशी अपेक्षा मालिकेच्या प्रेक्षकांची आहे. मात्र तो क्षण लवकरात लवकर यावा अशी ईच्छा आहे. तूर्तास गौरीचं हे नवं रूप प्रेक्षकांना आवडलं असून तिने लवकरच शालिनी आणि देवकीला अद्दल घडवावी. त्यासाठी आता तिला माईंची देखील भक्कम साथ मिळाली असल्याने, मालिकेचे पुढील भाग उत्सुकता निर्माण करताना दिसणार आहेत. या ट्विस्टमुळे सुख म्हणजे नक्की काय असतं या मालिकेचा प्रेक्षकवर्ग नक्कीच वाढणार आहे.