मराठी बिग बॉसच्या इतिहासात या सदस्याला मिळाला मानाचा तुरा

बिग बॉसच्या घरातून ह्या आठवड्यात सोनाली पाटीलला बाहेर पडावे लागले आहे. मी इथपर्यंत पोहोचले ते केवळ प्रेक्षकांच्या पाठिंब्यामुळेच अशी प्रतिक्रिया तिने दिली आहे. बिग बॉसच्या घरातून बाहेर पडण्याअगोदर सोनालीने जिथे सर्वात जास्त वेळ घालवला होता. त्या किचनमध्ये जाऊन आपल्या आठवणी जाग्या केल्या होत्या. घरातून बाहेर पडल्यावर मी मिनलला जास्त मिस करतीये असं ती म्हटली आहे. दरम्यान काल बिग बॉसच्या घरात पत्रकार परिषद भरवण्यात आली होती.

पत्रकार आणि घरातील सदस्य समोरासमोर बसून प्रश्नांचा भडिमार करत होते. विशालने सौंदर्या नेमकी कोण आहे याचे उत्तर देण्याचे टाळले. मात्र बिग बॉसच्या घरातून बाहेर पडल्यावर मी तो खुलासा करणार आहे. आणि मी तिच्यासोबत लग्नही करणार असल्याने, तुम्हाला आमच्या लग्नाला नक्की आमंत्रित करेन असे आश्वासन त्याने त्यावेळी दिले. सौंदर्याबद्दल माझ्या घरच्यांना देखील माहिती आहे. पण पत्रकार परिषद संपल्यावर विशालने सौंदर्याबद्दल खुलासा करून काही चूक तर नाही ना केली असे विकासला म्हणत असतो. बिग बॉसच्या घरात आता सहा स्पर्धक उरलेले आहेत, त्यामुळे कोणते ५ सदस्य फायनलमध्ये जाणार याची उत्सुकता निर्माण झाली आहे. बिग बॉसने तीनही सिजनमधून एक सदस्य अष्टपैलू सदस्य म्हणून घोषित केले आहे. हा मनाचा तुरा उत्कर्ष शिंदेला मिळाला असल्याने, त्याच्या चाहत्यांमध्ये कमालीची उत्सुकता निर्माण झाली आहे.

‘बिग बॉस मराठीच्या इतिहासात अष्टपैलू खेळाडू एकच आहे आणि तो म्हणजे उत्कर्ष शिंदे.’ असे म्हणत बिग बॉसच्या घरात बिग बॉसनेच उत्कर्षचे अभिनंदन केले आहे. ‘जब तक बिका न था तो कोई पुछता न था, आपने खरीदके अनमोल कर दिया.’ असे म्हणत भावनिक होऊन उत्कर्षणे बिग बॉसचे आणि चाहत्यांचे आभार मानले आहेत. आजच्या भागात उत्कर्षच्या आजवरच्या कार्याचा आढावा घेण्यात येणार आहे. त्याने सर्वच टास्कमध्ये खूप चांगली कामगिरी करून दाखवली असल्याने, त्याचा हा सत्कार सोहळा साजरा करण्यात येत आहे. सर्वोत्तम कामगिरी बजावणारा अष्टपैलू खेळाडू म्हणून घोषित झाल्याने, त्याच्या बाजूने संमिश्र प्रतिक्रिया दिल्या जात आहेत. काही प्रेक्षकांनी मात्र या निर्णयावर नाराजी दर्शवत विकास किंवा मीराच्या नावाची अपेक्षा केली होती, तर काहींनी या निर्णयाचे कौतुक केले आहे.