​तुझेच मी गीत गात आहे मालिका सोडण्यावर उर्मिलाचे स्पष्टीकरण..

स्टार प्रवाह वाहिनीवर तुझेच मी गीत गात आहे ही नवी मालिका प्रसारित केली जात आहे. या मालिकेत उर्मिला कोठारे, अभिजित खांडकेकर, प्रिया मराठे, अन्वी तायवडे आणि अवनी जोशी हे कलाकार मुख्य भूमिकेत पाहायला मिळत आहेत. अल्पावधीतच या मालिकेने प्रेक्षकांच्या मनात जागा निर्माण केली असल्याने या मालिकेचा एक स्वतंत्र असा चाहतावर्ग तयार झाला आहे. अवघ्या काही महिन्यातच मालिकेतील मध्यवर्ती चिमुरडी स्वरा तिच्या निरागस अभिनयाने प्रेक्षकांची मने जिंकून घेत आहे. मात्र आता ही स्वरा आपल्या मायेच्या छत्राला गमावून बसली आहे. मालिकेत उर्मिला कोठारे हिने स्वराच्या आईची भूमिका साकारली आहे.

भावाकडे राहून ती या कठीण प्रसंगातही स्वराला सांभाळत आहे. काही दिवसांपूर्वीच कॅन्सरचे निदान झाल्यावर स्वराच्या आईला दवाखान्यात दाखल करण्यात आले होते. आपल्या आईला वाचवण्यासाठी ही स्वरा शक्य ते प्रयत्न करून आईच्या औषधोपचारासाठी पैसे जमवताना दिसली होती. मात्र आता स्वराच्या आईचे निधन झाल्याने ती एकाकी पडलेली पाहायला मिळणार आहे. मालिकेतून स्वराच्या आईचा मृत्यू झाला असल्याने उर्मिला कोठारेची भूमिका संपली यावर शिक्कामोर्तब करण्यात आला. ही मालिका कुल्फीकुमार बाजेवाला या मालिकेचा रिमेक आहे. त्यामुळे या मालिकेचे कथानक प्रेक्षकांना अगोदरच माहीत आहे. मध्यवर्ती भूमिका साकारणाऱ्या स्वराच्या आईचे निधन होणार.

आणि त्यानंतर ती आपल्या वडिलांचा शोध घेणार. पुढे जाऊन ती आपल्या वडिलांसारखी गायन क्षेत्रात प्रसिद्धी मिळवणार असे हे कथानक कुल्फीकुमार बाजेवाला मालिकेत पाहण्यात आले होते. त्यामुळे कथेनुसार स्वराच्या आईचे निधन होणार हे निश्चित होते. अर्थात तिच्या निधनाने सोशल मीडियावर उर्मिलाने मालिका सोडली अशा चर्चा रंगवल्या जाऊ लागलेल्या पाहायला मिळाल्या. मात्र आता स्वतः उर्मिलानेच आपल्या भूमिकेबाबत स्पष्टीकरण देताना म्हटले आहे की, “तुझेच गीत मी गात आहे ही स्टार प्रवाहवरील मालिका मी सोडलेली नाहीये. स्वराच्या आठवणीत मी तुम्हा सर्वांना यापुढेही दिसत राहणार आहे.”

​असे स्पष्टीकरण दिल्याने यापुढेही उर्मिला या मालिकेत सक्रिय असणार याचा खुलासा झाला आहे. त्यामुळे तूर्तास तरी उर्मिलाने ही मालिका सोडली नसल्याचे जाहीर केले आहे. अर्थात यानंतर उर्मिला स्वराच्या आठवणीत प्रेक्षकांच्या भेटीला येणार आहे. मात्र ही भूमिका काही काळापुरती मर्यादित ठेवली जाणार आहे. उर्मिलाचे हे स्पष्टीकरण तिच्या चाहत्यांसाठी दिलासादायक ठरणार आहे. किमान त्या निमित्ताने तरी ती या मालिकेतून ती दिसणार असा विश्वास तिने आपल्या चाहत्यांना दिला आहे.