साऊथच्या या सुपरस्टार कलाकारांनी बॉलिवूडचे हे सुपरहिट चित्रपट नाकारले..

रश्मिका मंदांना, अर्जुन रेड्डी, अल्लू अर्जुन, अनुष्का शेट्टी, महेश बाबू, समंथा यासारख्या अनेक साऊथचे सुपरस्टार फॅन फॉलोअर्स मध्ये बॉलिवूडच्या दिग्गज कलाकारांशी चुरशीची स्पर्धा करतात. आज तागायत यापैकी एकाही साऊथच्या सुपरस्टार्सने बॉलिवूड चित्रपटात काम केलेले नसूनही त्यांची पॉप्युलॅरिटी तुफान आहे. तसे पहिले तर अनेक बॉलिवूड सुपरस्टार साऊथच्या फेमस चित्रपटांच्या रिमेक मध्ये पाहायला मिळाले आहेत. साऊथच्या या सुपरस्टारांना बॉलिवूड चित्रपटांची ऑफर नेहमीच येत असते, अशाच काही ब्लॉकबस्टर cचित्रपट नाकारलेल्या अभिनेत्यांविषयी जाणून घेऊया..

साऊथची ऍक्शन आणि एनिमेशनची जादुई दुनिया बॉलिवूडच्या तुलनेने थोडी वरचढ ठरते. अभिनेता अल्लू अर्जुन हा दक्षिणेतील सर्वात मोठा अभिनेता, त्याने अद्याप बॉलिवूडमध्ये पदार्पण केलेले नाही. अल्लू अर्जुनला ‘बजरंगी भाईजान’ आणि ‘८३’ या सुपरहिट चित्रपटांची ऑफर आली होती, पण त्याने हे दोन्ही चित्रपट नाकारले होते. अभिनेत्री अनुष्का शेट्टीला अनेकदा बॉलिवूड चित्रपटांच्या ऑफर आल्या. पण, प्रत्येक वेळी तिने त्या नाकारल्या, अजय देवगण स्टारर ‘सिंघम’ या चित्रपटासाठीही तिला विचारण्यात आले होते. तसेच अभिनेत्री रश्मिका मंदान्ना आता बॉलिवूडमध्ये पदार्पण करणार असली तरी तिने शाहिद कपूरचा चित्रपट ‘जर्सी’ चित्रपट नाकारला होता. रश्मिका खूपच ऍक्टिव्ह असून तिच्या सहज सुंदर चेहऱ्याच्या हावभावांची भुरळ घालते.

शाहरुख खान स्टारर ‘लायन’ या मूळ तमिळ चित्रपटासाठी अभिनेत्री समंथाला संपर्क साधण्यात आला होता, पण तिने या चित्रपटाची ऑफर नाकारली, नंतर तिच्या जागी नयनताराला ही भूमिका देण्यात आली. मल्याळम चित्रपट स्टार दुल्कर हा सलमान, तापसी पन्नू, विकी कौशल आणि दिग्दर्शक अनुराग कश्यपचा ‘मनमर्जिया’ या चित्रपटाद्वारे हिंदी प्रेक्षकांपर्यंत पोहोचणार होता. त्याने हा चित्रपट साइन केला होता, पण नंतर त्याच्या जागी अभिषेक बच्चनची वर्णी लागली. साऊथच्या चित्रपटांमध्ये महेश बाबूची फॅन फॉलोइंग शाहरुख पेक्षा काकणभर जास्त ठरेल, महेश बाबूचे बिझनेसमन, बॉबी, निजम, अर्जुन, अथाडू, नानी यासारखे अनेक चित्रपट हिंदीत डब झाले आहेत. त्याचबरोबर अनेक रिमेकही बॉलिवूड मध्ये बनले आहेत. इतकी लोकप्रियता असूनही महेश बाबूने आजवर एकाही बॉलिवूड चित्रपटात काम केलेले नाही. त्याला देण्यात आलेली ऑफर तो दरवेळी नाकारत असतो.

अभिनेता विजय देवरकोंडाच्या ‘अर्जुन रेड्डी’ या चित्रपटाने कमालीची प्रसिद्धी मिळवली, या चित्रपटानंतर यशराज फिल्म्स विजय देवरकोंडा याला त्यांच्या चित्रपटात कास्ट करणार होते, पण त्यानेही या गोष्टीला नकार कळवला होता. या सर्वांमध्ये नेहमीच चर्चेत राहिलेला सिनेमा आहे बाहुबली, बॉलिवूड मधील सुपरस्टार अभिनेत्यांनी साऊथचा हा सुपर डुपर हिट सिनेमा नाकारला होता. त्यात प्रामुख्याने ह्रितिक रोशन, श्रीदेवी, जॉन अब्राहम, विवेक ओबेराय, सोनम कपूर तसेच साऊथ मधील मोहनलाल आणि नयनतारा यांनी. तब्ब्ल ३००० कोटींची कमाई केलेला राजामौली यांचा हा चित्रपट प्रभास, राणा डग्गुबत्ती, तमन्ना, रम्या, सथ्यराज यासारख्या अनेक कलाकरांना सुपरस्टार बनवून गेला.