तेजश्री प्रधान आणि शुभांगी गोखले यांची नवी मालिका..कधी, कुठे, कुठल्या वाहिनीवर

बऱ्याच प्रतीक्षेनंतर तेजश्री प्रधान पुन्हा एकदा टीव्ही मालिकेतून प्रेक्षकांच्या भेटीला येणार आहे. त्यामुळे तेजश्रीच्या चाहत्यांसाठी ही एक मोठी आनंदाची बातमीचा ठरली आहे. अगंबाई सासूबाई या मालिकेनंतर तेजश्री चित्रपटाच्या माध्यमातून प्रेक्षकांच्या भेटीला आली होती. यानंतर ती छोट्या पडद्यावर कधी झळकणार याचीच प्रेक्षक वाट पाहत होते, प्रेक्षकांची ही प्रतीक्षा आता लवकरच संपणार आहे. स्टार प्रवाह वाहिनीवर लवकरच एक नवीन मालिका सुरू होणार आहे. या मालिकेचे नाव, प्रसारणाची वेळ अजून निश्चित केलेली नाही. मात्र ह्याबाबतची माहिती आम्ही लवकरच जाहीर करू असे तेजश्रीने म्हटले आहे.

तेजश्री प्रधान सोबत लोकप्रिय अभिनेत्री शुभांगी गोखले याही या मालिकेत महत्वपूर्ण भूमिकेत झळकणार आहेत. तेजश्री आणि शुभांगी गोखले या मराठी इंडस्ट्रीतील नावाजलेल्या अभिनेत्री आहेत. त्यामुळे या दोघींची केमिस्ट्री पाहायला प्रेक्षकही तेवढेच उत्सुक झाले आहेत. लवकरच सुरू होणाऱ्या या मालिकेचे नाव स्टार प्रवाह वाहिनीने गुलदस्त्यात ठेवले आहे. प्रेक्षकांचे लक्ष वेधून घेण्यासाठी आणि ही उत्सुकता ताणून धरण्यासाठी वाहिनीने ही नवीन युक्ती आखली आहे. स्टार प्रवाह वाहिनी ही मराठी मालिका सृष्टीतील आघाडीची वाहिनी ठरली आहे. या वाहिनीवर प्रसारित होत असलेल्या मालिकांना प्रेक्षकांकडून उत्स्फूर्त प्रतिसाद मिळत आहे. बहुतेक सर्वच मालिका टीआरपीच्या स्पर्धेत टॉप दहाच्या यादीत आहेत.

त्यामुळे प्रेक्षकांकडून अधिक चांगला प्रतिसाद मिळावा या हेतूने स्टार प्रवाह वाहिनी एक नवी कोरी मालिका घेऊन येत आहे. तेजश्री प्रधान सारखी देखणी अभिनेत्री आणि तिच्या जोडीला शुभांगी गोखले यांच्यासारखी गोड सहनायिका असल्यावर मालिका प्रेक्षकांची पसंती नक्कीच मिळणार असा विश्वास आहे.पुढील काही दिवसातच स्टार प्रवाह वाहिनी आपल्या या नवीन मालिकेचा प्रोमो प्रेक्षकांच्या भेटीला आणणार आहे. त्यासाठी प्रेक्षकांना अजून थोडी प्रतीक्षा करावी लागणार आहे. या नवीन मालिकेबद्दल प्रेक्षक आतापासूनच उत्सुक असलेले पाहायला मिळत आहेत. मालिकेचे कथानक काय असेल? याचीही मांडणी केली जात आहे. तूर्तास तेजश्री आणि शुभांगी दोघींना या नव्या मालिकेत पाहून प्रेक्षकांनी त्यांचे स्वागतच केलेले आहे.