हिंदी चित्रपटाला तगडी टक्कर देणारा “झिम्मा” ठरतोय सुपरहिट.. दोन आठवड्यात झाली इतकी कमाई

सूर्यवंशी, अंतिम तसेच बंटी और बबली २ हे चित्रपट गेल्या काही दिवसांपासून सिनेमागृहात चांगलाच गल्ला जमवताना दिसत आहेत. सूर्यवंशी हा चित्रपट आता चौथ्या आठवड्यात देखील चांगली कमाई करताना दिसत आहे. ऑस्ट्रेलियात सूर्यवंशी चित्रपट धुमाकूळ घालताना दिसतोय. आतापर्यंत या चित्रपटाने तब्बल  ७.९५ करोडचा टप्पा गाठला आहे. तर अंतिम चित्रपटाने एका आठवड्यात २९.३५ करोडचा गल्ला जमा केला आहे. सलमान खानने गरिबांना अंतिम चित्रपट पाहायला मिळावा यासाठी एक संपूर्ण थेटर बुक केले होते. सैफ अली खान आणि राणी मुखर्जी यांच्या बंटी और बबली २ या चित्रपटाने गेल्या दोन आठवड्यात १२.४१ करोडची कमाई केली आहे.

हिंदी चित्रपटाला तगडी टक्कर देत झिम्मा हा मराठी चित्रपट देखील महाराष्ट्रात तुफान हिट ठरलेला पाहायला मिळतोय. महाराष्ट्रातील निम्मे चित्रपटगृह झिम्मा या चित्रपटाला मिळाले असली तरी त्यांनी प्रेक्षकांना मराठी चित्रपटाकडे खेचून आणलेले पाहायला मिळते आहे. हे मराठी सृष्टीसाठी कौतुकाची बाब म्हणावी लागेल. पहिल्या आठवड्यात झिम्मा या  चित्रपटाने तब्बल २.९८ करोड आणि दुसऱ्या आठवड्यात २.८५ करोड असा एकूण ५.८३ करोडोचा गल्ला आपल्या खात्यात जमा केला आहे. भारतीय चित्रपट समीक्षक आणि विश्लेषक तरन आदर्श यांनी ही माहिती सोशल मीडियावर शेअर केली आहे. झिम्मा या चित्रपटाने दोन आठवड्यातच एवढी मोठी कमाई केली असल्याने त्यांनी या चित्रपटाचे खूप कौतुक केलं आहे.  झिम्मा या चित्रपटाची सक्सेस पार्टी काल आयोजित करण्यात आली होती. या पार्टीत सायली संजीव वगळता चित्रपटातील कलाकारांनी विशेष हजेरी लावली होती. सोनाली कुलकर्णी, सिद्धार्थ चांदेकर, सायली संजीव, निर्मिती सावंत, सुहास जोशी, मृण्मयी गोडबोले, क्षिती जोग, सुचित्रा बांदेकर अशी भली मोठी स्टार कास्ट या चित्रपटाला लाभली आहे.

दिग्दर्शक हेमंत ढोमे याने एक फोटो शेअर केलाय ज्यात पंढरपूर मधील महिलांनी आयुष्यात पहिल्यांदा सिनेमागृहात चित्रपट पहिल्याच आनंद व्यक्त केला. केवळ महिलांनीच नाही तर सर्वच स्तरातील मंडळींना झिम्मा चित्रपट आवडला असल्याची एक गोड प्रतिक्रिया थेटरच्या बाहेर येताना प्रेक्षकांकडून मिळालेली दिसली. झिम्मा चित्रपटाप्रमाणे नुकताच रिलीज झालेल्या पांडू या चित्रपटाने पहिल्याच दिवशी सिनेमागृह बाहेर हाऊसफुल्लचे बोर्ड लावलेले पाहायला मिळाले. त्यामुळे येत्या काही दिवसात पांडू हा चित्रपट देखील चांगली कमाई करणार असेच चित्र सध्या दिसत आहे. या चित्रपटाच्या कमाई वरून मराठी प्रेक्षक आता मराठी चित्रपट पाहायला सिनेमागृह गाठतोय ही आपल्या चित्रपटासाठी खूपच चांगली गोष्ट म्हणावी लागेल. हीच खरी या फॅमिली चित्रपटाची कमाई म्हणावी लागेल. येत्या १७ डिसेंबरला अल्लू अर्जुनची प्रमुख भूमिका असलेला पुष्पा हा चित्रपट प्रदर्शित होणार आहे. या चित्रपटाचा ट्रेलर काही वेळापूर्वीच लॉन्च करण्यात आला. त्यामुळे या चित्रपटाची आतुरता प्रेक्षकांना लागून राहिलेली दिसत आहे.