साइशा भोईर दिसणार नवीन मालिकेत.. शाळेच्या कारणास्तव सोडली होती मालिका

रंग माझा वेगळा या मालिकेतील कार्तिकी म्हणजेच साइशा भोईर आता लवकरच झी मराठी वाहिनीवरील नव्या मालिकेत झळकणार आहे. साइशाने तिच्या निरागस अभिनयाने रंग माझा वेगळा या मालिकेत कार्तिकीची भूमिका गाजवली होती. मात्र आता कार्तिकी दुसऱ्या इयत्तेत शिकत आहे आणि तिला शाळेत जाण्याची ईच्छा आहे असे म्हणत तिच्या पालकांनी मालिकेतून एक्झिट घेतल्याचे कारण सांगितले होते. अर्थात यानंतर साइशा आणि तिच्या पालकांनी घेतलेल्या निर्णयाचे प्रेक्षकांनी स्वागतच केलेले पाहायला मिळाले. मात्र आता साइशा कार्तिकीच्या भूमिकेत दिसणार नसल्याने प्रेक्षकांनी नाराजी दर्शवली होती. त्यानंतर मैत्रेयी दाते या बालकलाकाराने कार्तिकीची भूमिका साकारली आहे.

मालिकेतून एक्झिट घेतलेली साइशा आता झी मराठी वाहिनीवर झळकणार आहे. झी मराठी लवकरच एक नवी मालिका प्रेक्षकांच्या भेटीला आणत आहे. ‘नवा गडी नवं राज्य’ असं या नव्या मालिकेचं नाव असणार आहे. अभिनेत्री पल्लवी पाटील, कश्यप परुळेकर यांच्या या मालिकेत मुख्य भूमिका आहेत. तर बालकलाकार साइशा भोईर, वर्षा दांदळे, अनिता दाते अशी बरीचशी कलाकार मंडळी या मालिकेत दिसणार आहेत. या नव्या मालिकेचा प्रोमो मुक्तच प्रेक्षकांच्या भेटीला आला असून या त अनिता दाते फोटोफ्रेममध्ये पाहायला मिळते. अनिता दाते हिने काही दिवसांपूर्वीच हार घातलेला स्वतःचा फोटो शेअर केला होता. तिने असा फोटो का शेअर केला याबाबत संभ्रम निर्माण झाला होता.

त्यावरून अनिता दाते हिला आश्चर्यकारक प्रतिक्रिया मिळाल्या. मात्र आता या बाबत उलगडा झाला असून अनिता नवा गडी नवं राज्य या मालिकेचा महत्वाचा भाग असणार आहे. साइशा हिला देखील या मालिकेत पुन्हा अभिनयाची संधी मिळाली आहे. साइशा लवकरच एका आगामी प्रोजेक्टमधून प्रेक्षकांच्या भेटीला येईल असे संकेत तिच्या आईबाबांनी दिले होते. त्यामुळे ती नक्की कोणत्या प्रोजेक्मधून समोर येणार याबाबत तिच्या चाहत्यांमध्ये चर्चा रंगली होती. ही नवी मालिका ८ ऑगस्ट २०२२ पासून रात्री ९.०० वाजता प्रसारित केली जाणार आहे. त्यामुळे झी मराठीवरील तुझ्या माझ्या संसाराला आणि काय हवं ही मालिका प्रेक्षकांचा निरोप घेत असल्याचे स्पष्ट होते. या नव्या मालिकेसाठी साइशा आणि सर्वच कलाकारांचे अभिनंदन आणि खूप खूप शुभेच्छा.