तीन वर्षांचा संसार मोडल्यानंतर हिंदी सृष्टीतील अभिनेत्याने मराठमोळ्या कलाकारासोबत बांधली लग्नाची गाठ

वर्षाच्या सुरुवातीलाच हिंदी मराठी सेलिब्रिटी विश्वात लग्न सोहळ्याला सुरुवात झाली आहे. आज ४ जानेवारी २०२३ रोजी अनुपमा या लोकप्रिय मालिकेतील अभिनेता रुशद राणा याने केतकी वालावलकर हिच्यासोबत मोठ्या थाटात लग्न केले आहे. या लग्नाला अनुपमा मालिकेतील कलाकारांनी हजेरी लावली होती. तर बहुतेक हिंदी सृष्टीतील नामवंत कलाकारांनी रुशद आणि केतकीचे लग्न अटेंड केले होते. या दोघांच्या लग्नाचे फोटो सध्या चांगलेच व्हायरल होत आहेत. त्यांच्या चाहत्यांकडून देखील अभिनंदनाचा वर्षाव होत आहे. रुशद राणा हा हिंदी मालिका अभिनेता आहे.

रुशदचे पहिले लग्न २०१० साली झाले होते, मात्र ३ वर्षाचा त्याचा संसार मोडीत निघाला. आता वयाच्या ४३ व्या वर्षी त्याने पुन्हा एकदा लग्नगाठ बांधली आहे. रुशद आणि केतकी अनुपमा मालिकेत एकत्रित काम करत होते, तेव्हापासून हे दोघेही एकमेकांना पसंत करू लागले होते. अनुपमा मालिकेसाठी केतकीने क्रिएटिव्ह हेड म्हणून काम केले आहे. रुशदने गेल्या काही वर्षांपासून हिंदी मालिका सृष्टीत स्वतःची ओळख बनवली आहे. ससुराल सिमर का, मुस्कान, कुल्फी कुमार बाजेवाला, क्योंकी सास भी कभी बहु थी या लोकप्रिय मालिकांमधून त्याने महत्वपूर्ण भूमिका साकारल्या आहेत. तर पत्नी केतकी वालावलकर जिंदगी ना मिलेगी दोबारा या चित्रपटाची कास्टिंग असिस्टंट म्हणून जबाबदारी सांभाळली होती.

उडान, एक था राजा एक थी राणी या मालिकांसाठी तिने क्रिएटिव्ह हेड तसेच डायरेकक्टर म्हणून काम केले आहे. कलर्स मराठीवरील सुंदरा मनामध्ये भरली या मालिकेशीही ती जोडली गेली आहे. रुशद सोबत प्रेम जुळल्यानंतर लगेच दोघांनी लग्नाची गाठ बांधण्याचा निर्णय घेतला. हिंदी मराठी सृष्टीत केतकीने बॅक आर्टिस्ट म्हणून चांगलाच जम बसवला आहे. केतकी उत्तम फोटोग्राफर देखील आहे तिने नॅशनल इन्स्टिट्यूट ऑफ फोटोग्राफीमधून प्रशिक्षण घेतले होते. मनवा नाईक हिच्या निर्मिती संस्थेसाठी ती काम करते, त्यामुळे अनेकदा सुंदरा मनामध्ये भरली या मालिकेच्या सेटवर तिने हजेरी लावली आहे. अनुपमा या मालिकेची क्रिएटिव्ह हेड म्हणून काम करत असताना रुशद सोबत तिची ओळख झाली.

या ओळखीचे पुढे प्रेमात आणि आता लग्नाच्या बंधनात रूपांतर झाले आहे. रुशद राणा हा पारसी आहे तर केतकी मराठी कुटुंबात जन्मली आहे. रुशदचा स्वभाव मुळातच लाजराबुजरा आहे त्यामुळे केतकीसोबत मैत्री झाल्यानंतरही तो तिच्याशी खूप कमी बोलताना दिसायचा मात्र हे दोघे लग्नाचा निर्णय घेतील याची कल्पना मालिकेच्या कळकरांमध्ये कोणालाही नव्हती. त्याचमुळे रुशदचे लग्न पाहून अनेकांना आश्चर्याचा धक्का बसला आहे. बॉलिवूड तसेच मराठी सेलिब्रिटींनी दोघांना लग्नाच्या शुभेच्छा दिल्या आहेत.