​अचानक हा पाहुणा येताच RRR फेम रामचरणने केला असा पाहुणचार की चाहते म्हणाले​..

बॉक्सऑफिसवर धुमाकूळ घालणाऱ्या आरआरआर या सिनेमाचा हिरो रामचरण याच्या घरी चक्क हनुमान जयंतीदिवशीच एक खास पाहुणा आला. रामचरणने त्याचा जो काही पाहुणचार केला तो पाहून त्याच्या चाहत्यांनी कौतुकाचा वर्षाव केला. रामचरण याच्या फॉलोअर्समध्ये आता साउथचेच चाहते नाहीत तर बॉलिवूडप्रेमींनीही रामचरणला फॉलो करायला सुरूवात केलीय. तुफान ऍक्शन चित्रपटासाठी फेमस असलेला रामचरण या खास गोष्टीमुळे चाहत्यांना खूपच भावला आहे. हनुमान जयंतीच्या शुभेच्छा देत रामचरणने एक खास व्हिडिओ इन्स्टा पेजवर शेअर केला, जो पाहून त्याचे चाहते फिदा झाले.

हनुमान जयंतीदिवशी घरी आलेल्या एका अनोख्या पाहुण्याचा पाहुणचार केला. रामचरणने फक्त पडद्यावरच हिरो नाही तर प्रत्यक्ष आयुष्यातही नायक आहे हे दाखवून दिले. या व्हिडिओमध्ये एक वानर रामचरणच्या घरात आल्याचे दिसत आहे. विशेष म्हणजे हनुमान जयंतीच्या दिवशीच आलेल्या या वानराचे रामचरणने स्वागत केले. रामचरण त्याच्या बेडरूमध्ये असताना रूममधल्या सोफ्याजवळ ते वानर आले. रामचरणने लगेच बिस्कीट काढून त्या वानराला खायला दिले. हे सगळं दृश्य रामचरणने शूट केलं असून चाहत्यांसाठी शेअर केला आहे. व्हिडिओ सुरू असताना हनुमानचालीसाही ऐकायला येत आहे.

रामचरणचा हा व्हिडिओ पाहून त्याच्या चाहत्यांनी, पडदयावरच नव्हे तर खऱ्या आयुष्यातही तू हिरो आहेस असं म्हटले. शिवाय प्राणीप्रेमाला दाद देत रामचरणला सोशल मिडियावरही डोक्यावर घेतले आहे. अभिनेता रामचरण याने त्याच्या चाहत्यांना हनुमान जयंतीच्या शुभेच्छा दिल्या. चित्रपटातील अप्रतिम यशाचे प्रेक्षकांकडून कौतुक होत असताना हा अनोखा अनुभव खूप बोलका होता. यंदा त्याच्या पेजवर फक्त शुभेच्छाच नव्हत्या तर सोबतचा व्हिडिओ होता तो पाहून रामचरणचे करोडो चाहते त्याच्या आणखी प्रेमात पडले आहेत.