kalakar Marathi, Hindi Cinema and Tv Entertainment, News
झी मराठी वाहिनीवर लवकरच बँड बाजा वरात हा नवीन रिऍलिटी शो प्रेक्षकांच्या भेटीला येत आहे. लग्नाच्या लगबगीत घर छान सजतंय झी मराठीचा आहेर घेऊन ओळखा पाहू कोण येतंय असे कॅप्शन देणारा मालिकेचा नवीन प्रोमो प्रेक्षकांच्या भेटीला आला आहे. यात एका पाठमोऱ्या असलेल्या नायिकेची झलक दाखवण्यात आलेली आहे. पाठमोरी असलेली ही नायिका आहे हिंदी मराठी चित्रपटातील प्रसिद्ध अभिनेत्री रेणुका शहाणे. बँड बाजा वरात या रिऍलिटी शोमध्ये रेणुका सुत्रसंचालनाच्या भूमिकेत प्रथमच दिसणार असल्याने, याची उत्सुकता प्रेक्षकांमध्ये निर्माण झाली आहे. रेणुका यांनी आजवर अनेक चित्रपट आणि हिंदी मालिका अभिनित केल्या आहेत. हाच सूनबाईचा भाऊ या चित्रपटातून त्यांनी मराठी चित्रपटात सृष्टीत पाऊल टाकले होते.
तर दूरदर्शनवरील सर्कस, सुरभी या मालिकेतून त्या प्रेक्षकांच्या भेटीला आल्या. हम आपके है कौन या चित्रपटामुळे रेणुका यांना अमाप प्रसिद्धी मिळाली. त्यांनी फु बाई फु, कॉमेडीची बुलेट ट्रेन सारख्या मराठी रिऍलिटी शोमधून छोट्या पडद्यावर पदार्पण केले. मात्र यात त्या परीक्षिकेची भूमिका साकारताना दिसल्या. आता बँड बाजा वरात या रिऍलिटी शोमधून त्या प्रथमच सूत्रसंचालन करताना दिसणार आहेत. महाराष्ट्राच्या घराघरात जाऊन हा रिऍलिटी शो होणार आहे. लग्नाची लगबग सुरू होत असतानाच त्या घरात जाऊन झी मराठी वाहिनी आहेर म्हणून चांदीचा कलश भेट स्वरूपात देणार आहेत. हा शो होम मिनिस्टर या गाजलेल्या शो प्रमाणे जसे आदेश बांदेकर घरोघरी जाऊन वहिनींना पैठणी देऊन सन्मानित करतात.
तशाच स्वरूपाचा बँड बाजा वरात हा शो रेणुका आपल्या खांद्यावर पेलताना दिसणार आहेत. या नव्या दमाच्या शोचा पहिला प्रोमो काही दिवसांपूर्वी प्रेक्षकांच्या भेटीला आला होता. त्यात एका चांदीच्या कलशावर झी मराठीकडून सप्रेम, असे लिहिण्यात आले होते. यावरून हा एक रिऍलिटी शो असणार हे निश्चित झाले होते. परंतु या शोचे सूत्रसंचालन कोण करणार या बाबत प्रश्नचिन्ह उपस्थित झाले होते. कारण आदेश बांदेकर सारखा तगडा कलाकार सूत्रसंचालन करावा अशी मागणी होत होती. त्याला अनुसरून रेणुका शहाणे शोची धुरा समर्थपणे पेलतील अशी आशा व्यक्त केली जात आहे. या शोमधून रेणुका शहाणे पुन्हा एकादा दमदार भूमिकेतून छोट्या पडद्यावर पदार्पणास सज्ज होत असल्याने त्यांचे खूप खूप अभिनंदन.
