टीव्ही क्षेत्रातली ही प्रसिद्ध अभिनेत्री लवकरच अडकणार विवाह बंधनात.. हळदीचे फोटो होतायत व्हायरल

हिंदी मालिका नागीण फेम अभिनेत्री मौनी रॉय हिने सुरज नांबियार सोबत नुकतीच लग्नगाठ बांधली आहे. तिच्या या लग्नाच्या बातमी पाठोपाठ आता आणखी एक प्रसिद्ध अभिनेत्री लवकरच विवाहबंधनात अडकताना दिसणार आहे. हिंदी मालिका तसेच चित्रपट अभिनेत्री करिश्मा तन्ना हिच्या लग्नाची लगबग नुकतीच सुरू झाली आहे. उद्या ५ फेब्रुवारी २०२२ रोजी अभिनेत्री करिश्मा तन्ना तिचा बॉयफ्रेंड वरूण बंगेरा ह्याच्यासोबत लग्नगाठ बांधणार आहे. नुकतेच त्यांच्या हळदीचा सोहळा मोठ्या थाटात पार पडला आहे. गोव्यातील फाईव्ह स्टार हॉटेलमध्ये त्यांच्या लग्नाचा सोहळा रंगणार असून या सोहळ्याला अनेक सेलिब्रिटींची हजेरी लागणार आहे.

क्यूँकी सास भी कभी बहू थी या लोकप्रिय मालिकेतून करिश्माने छोट्या पडद्यावर पदार्पण केले होते. दोस्ती, ग्रँड मस्ती, संजू अशा हिंदी चित्रपटासोबतच बालवीर, अदालत, झलक दीखला जा, नच बलीये, नागीन ३, कयामत की रात, शरारत, कॉमेडी सर्कस, एफ आयआर अशा अनेक टीव्ही मालिका आणि रिऍलिटी शोमध्ये तिने काम केले होते. तर करिश्माचा होणारा नवरा वरुण बंगेरा हा  मुंबईत रिअल इस्टेटमध्ये नामवंत बीजनेसमन आहे. वरुण बंगेरा सोबत रिलेशनमध्ये असण्यागोदर करिश्माचे अभिनेता उपेन पटेल याच्यासोबत अफेअर होते. हिंदी बिग बॉसच्या ८ व्या सिजनमध्ये या दोघांनी पार्टिसिपेट केले होते. त्यानंतर दोघेही एकमेकांना डेट करू लागले.

नाच बलीयेच्या ७ व्या सिजनमध्ये या कपलने पार्टीसिपेट करून सेकंड रनर अप बनण्याचा मान मिळवला होता. मात्र अवघ्या दोन वर्षांच्या कालावधीतच त्यांचे नाते संपुष्टात आले होते. उपेन पटेल नंतर करिश्मा बीजनेसमन वरुण बंगेराला डेट करू लागली आणि आता त्यांनी लग्न करण्याचा निर्णय घेतला आहे. आज त्यांच्या लग्नाअगोदरच्या सोहळ्यांना सुरुवात झाली असून हळदीचा सोहळा आणि नंतर संगीत सोहळा पार पडणार आहे. मौनी रॉयच्या लग्नानंतर हिंदी मालिका सृष्टीत आता आणखी एक अभिनेत्री लग्नबांधनात अडकणार असल्याने सेलिब्रिटी विश्वात आनंदाचे वातावरण आहे.