मराठी चित्रपट आणि मालिका अभिनेत्री सई कल्याणकर नुकतीच अडकली विवाहबंधनात..

मराठी चित्रपट आणि मालिका अभिनेत्री सई कल्याणकर ही नुकतीच विवाहबंधनात अडकली आहे. व्यवसायाने डॉक्टर असलेल्या प्रशांत शिवराम चव्हाण यांच्याशी तिने आपला संसार थाटला आहे. सई आणि डॉ प्रशांत यांचे १९ डिसेंबर २०२१ रोजी लग्न झाले. मात्र आज तिने आपल्या लग्नाचे फोटो सोशल मीडियाच्या माध्यमांतून चाहत्यांना खुशखबर दिली आहे. डॉ प्रशांत यांनी नॅनो केमिस्ट्री विषयातून पीएचडी केली आहे. सई आणि प्रशांतच्या थाटात पार पडलेल्या या लग्नाला मोजक्याच मित्रमंडळींना आमंत्रित करण्यात आले होते. सई कल्याणकर हिने महेश किठारे यांची निर्मिती असलेल्या ‘दख्खनचा राजा ज्योतिबा’ या मालिकेतून ‘चोपडाईची’ भूमिका साकारली होती.

यात बिग बॉस टॉप कन्टेस्टंट विशाल निकम मुख्य भूमिकेत पाहायला मिळाला होता. सईने ‘झकास’ या चित्रपटातून मोठ्या पडद्यावर पदार्पण केले होते. झकास चित्रपटानंतर सईने आशियाना चित्रपटात देखील महत्वाची भूमिका निभावली होती. स्टार प्रवाहवरील ‘तुझं नि माझं घर श्रीमंताचं’ या मालिकेतून  छोट्या पडद्यावर पदार्पण केले होते. झी युवा वाहिनीवरील ‘फ्रेशर्स’ ही मालिका तसेच कलर्स मराठी वरील ‘गणपती बाप्पा मोरया’ या अध्यात्मिक मालिकेतून सई ने सिद्धीची भूमिका साकारली होती. अस्स सासर सुरेख बाई, मांडला दोन घडीचा डाव, अस्मिता, सखी, तू माझा सांगाती, अग्निपरीक्षा अशा मालिकांमधून तिने विविधांगी भूमिका साकारल्या आहेत. सई कल्याणकर हिने शाळेत असल्यापासूनच नाट्य स्पर्धांमध्ये सहभाग दर्शवला होता. पुढे कॉलेजमधून महाविद्यालयिन आंतरमहाविद्यालयीन नाट्य स्पर्धेत एकांकिका तिने गाजवल्या.

आम्ही पाचपुते हे संतोष पवार याने दिग्दर्शित केलेलं नाटक या नाटकातून सईने व्यावसायिक नाटकात पाऊल टाकले होते. याशिवाय नृत्याचे धडे देखील तिने गिरवले होते. सई भरतनाट्यम विशारद असून अनेक नृत्य स्पर्धेत देखील तिने सहभाग घेतला होता. ऑक्टोबर महिन्यात सईचा थाटात साखरपुडा पार पडला होता. त्यानंतर वर्ष अखेर पर्यंत ती लग्न करणार असल्याचे जाहीर केले होते. लग्नाअगोदर सईच्या घरी हळदी समारंभ मोठ्या उत्साहात पार पडला होता. हळदीचे फोटो देखील तिने सोशल मीडियावर शेअर केले होते. लग्नाच्या सहा दिवसांनी तिने तिच्या लग्न सोहळ्यातील खास फोटो प्रसिद्ध केले आहेत. तिच्या ह्या गोड बातमीवर चाहत्यांनी आणि सेलिब्रिटींनी शुभेच्छांचा वर्षाव केला आहे.