तोडकी मोडकी मराठी बोलणारी भाग्या मालिकेत झाली हिट..

मालिकेच्या यशामागे प्रमुख नायक नायिकां इतकीच सहकलाकारांची देखील तेवढीच मोठी मेहनत असते. आपल्या सहजसुंदर अभिनयातून ही सहकलाकार मंडळी प्रेक्षकांना आपण साकारलेल्या पात्राची दखल घ्यायला भाग पडतात. त्याचमुळे मालिका उठादार झालेली पाहायला मिळते. झी मराठी वाहिनीवरील तू तेव्हा तशी ही मालिका देखील प्रेक्षकांच्या पसंतीस उतरली आहे. मालिकेत अनामिका दीक्षित आणि सौरभ पटवर्धन यांच्या प्रेम कहाणीला नुकतीच सुरुवात झाली आहे. त्यामुळे लवकरच त्या दोघांच्या लग्नाचा थाट मालिकेतून पहायला मिळणार आहे. मालिकेत सचिन ज्या ऑफिसमध्ये काम करतो तिथली बॉस म्हणजेच रिया नायरची भूमिका देखील तेवढीच उठावदार झाली आहे.

रियाची भूमिका भाग्या नायर हिने निभावली आहे. रात्रीस खेळ चाले ३ या मालिकेतून भाग्याने कावेरीचे भूमिका साकारली होती. या मालिकेमुळे भाग्या मराठी सृष्टीत चांगलीच प्रसिद्धी मिळवताना दिसली. खरं तर भाग्या नायर अमराठी मात्र तीचं तोडकं मोडकं मराठी प्रेक्षकांना खूप भावलेलं आहे. ‘इट सच’ या युट्युब चॅनलवरून सुमित चव्हाण आणि भाग्या नायर यांनी मजेशीर व्हिडीओ बनवण्यास सुरूवात केली होती. त्यांच्या व्हीफिओजना प्रेक्षकांनी भरघोस प्रतिसाद दिला. दैनंदिन जीवनात घडणाऱ्या गोष्टी या व्हिडिओतून पाहायला मिळाल्याने हे दोघेही सोशल मीडियावर चांगलेच हिट झाले होते. भाग्याची मराठी सृष्टीत येण्याची सुरुवात देखील याच मार्गाने झाली.

रात्रीस खेळ चाले ३ या मालिकेत भाग्या मध्यवर्ती भूमिकेत दिसली होती. यातही तिने तोडकी मोडकी मराठी बोलण्याचा प्रयत्न केला होता. अर्थात हे पात्र देखील त्याच पार्श्वभूमीवर आधारीत असल्याने तिच्यासाठी ही सहजसोपी गोष्ट ठरली. तू तेव्हा तशी या मालिकेत ती बॉसच्या भूमिकेत दिसते. ह्या भूमिकेचा दरारा तिने आपल्या अभिनयाने सुंदर वठवला आहे. सर्वांना त्रास देणाऱ्या वल्लीवर देखील तिचा रुबाब आहे. काही अडचण आल्यास ती सचिनची बाजू सांभाळून घेते. आणि म्हणूनच हे पात्र मुख्य कलाकारांइतकेच उठावदार झालेले दिसून येते.