बिग बॉस मराठी मधील ही स्पर्धक झळकणार नवीन मराठी मालिकेत

बिग बॉस मराठीचे तिसरे पर्व नुकतेच पार पडले. बिग बॉसच्या घरातील प्रत्येक सदस्याने यावेळी प्रेक्षकांचं भरपूर मनोरंजन केलं. अशात बिग बॉस ३ मध्ये विशाल निकमचा विजय झाला. बिग बॉस जरी आता संपले असले तरी नेटकऱ्यांमध्ये अजूनही येथील सदस्यांच्या चर्चा होताना दिसते. अशात आता बिग बॉसच्या तिसऱ्या पर्वातील एक अभिनेत्री लवकरच एका नवीन मालिकेतून प्रेक्षकांच्या भेटीला येणार आहे. आता ही अभिनेत्री नेमकी कोण आहे या विषयी जाणून घेऊ.

बिग बॉस मराठीचे तिसरे पर्व संपताच कलर्स मराठीवर बिग बॉसच्या जागी तुझ्या रूपाचं चांदणं ही मालिका सुरू झाली आहे. अशात या मालिकेत बिग बॉसच्या घरात झळकलेल्या अभिनेत्री सुरेखा कुडची दिसणार आहेत. या मालिकेत सुरेखा खलनायिकेची भूमिका साकारणार असल्याचं म्हटलं जात आहे. सुरेखा यांनी आजवर नायिकेसह अनेक खलनायिकेच्या भूमिका साकारल्या आहेत. त्या अभिनयासह उत्तम नृत्य देखील करतात. त्यांची ठसकेदार लावणी संपूर्ण महाराष्ट्रात फेमस आहे. १९९५ साली जखमी कुंकू या चित्रपटातून त्यांनी पहिल्यांदा मोठ्या पडद्यावर पदार्पण केलं. त्यानंतर त्यांनी सासूची माया, आई थोर तुझे उपकार, पोलिसाची बायको, भरत आला परत, तीन बायका फजिती ऐका अशा अनेक चित्रपटांमध्ये अभिनय केला. त्यांचा फॉरेनची पटलिन हा चित्रपट चांगलाच गाजला. यामध्ये त्यांनी साकारलेली सासूची भूमिका खूप गाजली.

सुरेखा यांनी अनेक कौटुंबिक मालिकांमधून देखील प्रेक्षकांचं मनोरंजन केलं आहे. त्यांच्या नवीन मालिकेबद्दल अधिकृत माहिती अद्याप समोर आलेली नाही, मात्र सुरेखा यांनी त्यांच्या इंस्टाग्राम अकाऊंटवर एक पोस्ट शेअर केली आहे. या पोस्टमध्ये त्यांनी असं लिहिलं आहे की, “लवकरच येतेय तुम्हा सर्वांना भेटायला, नव्या भूमिकेत.” बिग बॉस ३ संपल्यानंतर घरातील प्रत्येक सदस्य आता पुढे काय करणार याकडेच साऱ्यांचे लक्ष लागले आहे. अशात सुरेखा यांच्या पोस्टवरुन त्या तुझ्या रूपाचं चांदणं याच मालिकेत झळकतील असं अनेक जण म्हणत आहेत. अशात आता त्यांच्या आगामी मालिकेविषयी तुम्हाला त्यांना सकारात्मक पात्रामध्ये पाहायला आवडेल की नकारात्मक हे आम्हाला कमेंट बॉक्समध्ये जरुर कळवा.