बिग बॉसच्या घरातील हा स्पर्धक ठरला पहिला फायनलिस्ट.. हे अपेक्षित होतंच म्हणत प्रेक्षकांनी

मराठी बिग बॉसच्या चौथ्या सिजनचा ग्रँड फिनाले येत्या ८ जानेवारी रोजी प्रसारित होणार आहे. या शोचा विजेता कोण होणार याची उत्सुकता मात्र सगळ्यांनाच लागून राहिली आहे. मराठी बिग बॉसचा चौथा सिजन फ्लॉप ठरला असे मत प्रेक्षकांनी व्यक्त केले होते. मात्र या शोने प्रेक्षकांचे चांगले मनोरंजन करत मागच्या बिग बॉसच्या तुलनेत कमी प्रतिसाद मिळवला. हे सर्वमान्य असले तरी कलर्स मराठी वाहिनीचा टीआरपी नक्कीच वाढलेला आहे. नवनवीन टास्क आणि खास करून राखीच्या येण्याने मराठी बिग बॉसला अधिक रंग चढलेला दिसला.

राखीचे वागणे हे आकस्मिक असते, ती कधी काय करेल याचा अंदाज कोणालाच नसतो. अमृताने राखीची गंमत करण्याचे ठरवले, मात्र हा डाव तिच्यावरच उलटेल याची कल्पनाही तिने केलेली नव्हती. परंतु या गोष्टींमुळे राखी मात्र फॉर्ममध्ये आलेली पाहायला मिळाली. ह्या आठवड्यात मराठी बिग बॉसने तिकीट टू फिनालेसाठी वेगळे टास्क दिले. अपूर्वा जिंकावी म्हणून प्रसादने जीवतोड मेहनत केली. एकीकडे टास्कमध्ये अक्षय केळकर बाजी मारणार अशी शक्यता असतानाच, प्रसादने बाजी पलटवलेली पाहायला मिळाली. टास्कमध्ये अपूर्वा विजेती ठरल्याचे पाहून संचालक आरोहने तिच्या नावाची घोषणा केली. अपूर्वाने फिनालेमध्ये पोहोचण्याचे पहिले तिकीट मिळवले आहे. हे जाणून खूपच भावुक झालेली दिसली.

आपल्या हातात तिकीट टू फिनाले घेताना अपूर्वाला अश्रू अनावर झाले, अगदी ढसाढसा रडायलाही लागली. अपूर्वा पहिली फायनलिस्ट ठरल्याचे पाहून राखीला आणि प्रसादला खूप आनंद झाला. प्रसादमुळे आपण हे तिकीट मिळवू शकलो या आनंदात तिने प्रसादला मिठी मारली. बिग बॉसची ट्रॉफी जिंकण्याचे स्वप्न आता सत्यात उतरण्यासाठी अवघे काही दिवस शिल्लक आहेत. यात फिनालेमध्ये अपूर्वाने नाव नोंदवले असल्याने ती खूपच खुश झाली आहे. घरात आणखी नवीन टास्क दिले जाणार आहेत, यामध्ये स्पर्धकांना फायनलचे तिकीट मिळवायचे आहे. अपूर्वा सोबत आणखी कोणते स्पर्धक हे तिकीट मिळवणार आणि शेवटच्या आठवड्यात कोणाला बाहेर जावे लागणार, ही धाकधूक आता स्पर्धकांच्या चाहत्यांमध्येही निर्माण झाली आहे.

बिग बॉसच्या घरात तेजस्विनी लोणारीने एन्ट्री केली, त्यावेळी मला घरात येऊन खूप छान वाटले अशी प्रतिक्रिया तिने दिलेली आहे. तर नेहा शितोळे, उत्कर्ष शिंदे, स्मिता गोंदकर यांनी देखील बिग बॉसच्या घरात येऊन धमालमस्ती केली. स्मिताने सदस्यांना चांगलं खेळण्याचे कानमंत्र दिले, तर नेहाने किरण माने यांच्या खेळीवर ट्विस्ट आणले. उद्या बिग बॉसच्या चावडीवर कोणाला घरचा आहेर मिळणार हे समजल्यावर चौथ्या सिजनचे पाच फायनलिस्ट कोण असणार हे प्रेक्षकांना स्पष्ट होणार आहे.