नवे लक्ष्य मालिकेत कीर्ती आणि राघवची एन्ट्री ..

​एक दोन वगळता​ स्टार प्रवाह वाहिनीवरील बहुतेक सर्वच मालिका टीआरपीच्या स्पर्धेत टॉप १० मध्ये प्रवेश करताना दिसत आहेत. मन उडू उडू झालं आणि माझी तुझी रेशीमगाठ या मालिकेने आपले स्थान या​​ यादीत मिळवले असले तरी मन उडू उडू झालं या मालिकेला प्रेक्षकांकडून जास्त प्रतिसाद मिळू लागला आहे. ही मालिका लवकरच प्रेक्षकांचा निरोप घेणार आहे इंद्रा आणि दिपूच्या लग्नाची जोरदार तयारी सुरु झाली आहे. त्यामुळे ह्या आठवड्यात मालिकेने बाजी मारलेली पाहायला मिळत आहे. ही स्पर्धा टिकवून ठेवण्यासाठी मालिकेची टीम वेगवेगळ्या युक्त्या आजमावताना दिसतात.

स्टार प्रवाह वाहिनीवरील नवे लक्ष्य ही मालिका स्पर्धेत टिकून राहण्यासाठी असाच खटाटोप करताना दिसत आहे. नवे लक्ष्य या मालिकेत आता फुलाला सुगंध मातीचा फेम कीर्ती जामखेडकर आणि लग्नाची बेडी मालिका फेम राघव रत्नपारखी यांची एन्ट्री होत आहे. मालिकेतील ही गाजलेली पात्र आल्यामुळे नवे लक्ष्य मालिकेला ट्विस्ट मिळाला आहे. नवे लक्ष्य ही मालिका लक्ष्य या मालिकेचा सिक्वल आहे. काही दिवसांपूर्वीच लक्ष्य मालिकेतील इन्स्पेक्टर सलोनी देशमुख आणि इन्स्पेक्टर रेणूने नवे लक्ष्य मालिकेत एन्ट्री केली होती. आदिती सारंगधर आणि श्वेता शिंदे यांनी लक्ष्य मालिकेतून या भूमिका साकारल्या होत्या.

त्यामुळे पुन्हा त्याच भूमिका साकारण्याची संधी मिळाल्याने श्वेता शिंदे आणि आदिती सारंगधर खूप खुश झाल्या होत्या. नव्या पात्राच्या एंट्रीमुळे मालिकेला ट्विस्ट आणले जातात. असाच काहीसा ट्विस्ट ठिपक्यांची रांगोळी मालिकेत नुकताच पाहायला मिळाला. हृता दुर्गुळेचा अनन्या हा आगामी चित्रपट २२ जुलै रोजी प्रदर्शित होत आहे त्यानिमित्ताने तिने ठिपक्यांची रांगोळी मालिकेत हजेरी लावली होती. अर्थात चित्रपटाच्या प्रमोशनमध्ये व्यस्त असलेली हृता ठिपक्यांची रांगोळी मालिकेत धमालमस्ती करताना दिसली. शशांकला अनन्याने अवघ्या ५ मिनिटांत डान्स शिकवला आहे. आणि यामुळे एका स्पर्धेत अपूर्वा आणि शशांकने बेस्ट कपल ऑफ द डे चे बक्षीस जिंकलं आहे.