गोव्याच्या किनाऱ्यावर अभिनेत्रीचा थाटामाटात विवाह संपन्न… पहा लग्नाचे खास फोटो

गोव्याच्या किनाऱ्यावर या गाण्यातून अभिनेत्री सिद्धी पाटणे लोकप्रियतेच्या शिखरावर पोहोचली. सांग तू आहेस का या मालिकेतही तीने महत्वाची भूमिका साकारली होती. त्यासोबतच झी मराठी वाहिनीवरील ‘घेतला वसा टाकू नको’ या मालिकेत ती दिसली होती. या मालिकेतील तिच्या भूमिकेला प्रेक्षकांकडून पसंती मिळाली होती. गेल्या काही दिवसांपूर्वी सिद्धी पाटणे हीने प्रिवेडिंग फोटोशूट केले होते.

त्यावरून ती लवकरच लग्न करणार असल्याचे स्पष्ट झाले होते. १६ नोव्हेंबर २०२१ रोजी सिद्धी पाटणे आणि विशाल दलाल यांचा विवाह संपन्न झाला. मंगळवारी त्यांचा हा विवाहसोहळा अगदी शाही पद्धतीने पार पडला आणि या लग्नाला अनेक मित्रमंडळीना त्यांनी आमंत्रित केले होते. लग्नाच्या दोन दिवस अगोदरपासूनच सिद्धीच्या घरी लगीनघाई सुरू होती. मेहेंदी सोहळा आणि हळदीचा सोहळा देखील तिने अगदी थाटात साजरा केला होता. लग्नानंतर त्यांचे रिसेप्शन देखील पार पडले. सांग तू आहेस का या मालिकेत अभिनेत्री सिद्धी पाटणे हिने शांभवीची भूमिका साकारली होती. सिद्धीच्या वाढदिवसाच्या वेळी तिचा होणारा नवरा विशाल दलाल यानेही हजेरी लावून सिद्धीला वाढदिवसाच्या शुभेच्छा दिल्या. वाढदिवस आणि लग्न ठरल्याचे असे दोन्ही क्षण यावेळी तिने साजरे केले होते. विशाल दलाल हा बदलापूरचा असून आर्किटेक्ट आहे. सध्या स्टुडिओ आर्कि-कल्चर येथे तो प्रोजेक्ट आर्किटेक्ट म्हणून कार्यरत आहे. अभिनेत्री सिद्धी पाटणे ही मूळची खेड, रत्नागिरीची. इथेच तिने आपले शालेय शिक्षण पूर्ण केले आहे. पुढे मुंबई युनिव्हर्सिटीमधून तिने एमबीएचे शिक्षण घेतले. मालिका चित्रपटातून काम करत असताना तिला एका व्हिडीओ अल्बममध्ये झळकण्याची नामी संधी मिळाली.

“गोव्याच्या किनाऱ्यावर…” या गाजलेल्या गाण्यामुळे सिद्धीला तुफान लोकप्रियता मिळाली होती. सुहृद वर्डेकर आणि सिद्धी पाटणे यांच्यावर चित्रित झालेल्या या गाण्याला प्रेक्षकांनी अक्षरशः डोक्यावर घेतले होते. हे दोन्ही कलाकार या गाण्यामुळे महाराष्ट्राच्या घराघरात पोहोचले होते. या गाण्यासोबतच सिद्धी आणि सुहृद आणखी काही गाण्यातून एकत्रित झळकले आहेत. सिद्धीने मालिका आणि चित्रपटातूनही काम केले आहे. प्रेमा तुझा रंग कसा, विठू माऊली, श्री गुरुदेवदत्त, सांग तू आहेस का अशा वेगवेगळ्या मालिकांमधून तिने अभिनय साकारला आहे. श्री गुरुदेव दत्त या मालिकेत सिद्धीला पार्वतीची आव्हानात्मक भूमिका साकारण्याची नामी संधी मिळाली होती ही भूमिका तिने अतिशय सुरेख बजावली होती. सांग तू आहेस का या स्टार प्रवाहवरील मालिकेतून ती शांभवीच्या भूमिकेत झळकली. शिवाय मधल्या काळात काही ज्वेलरीसाठी तिने मॉडेलिंग देखील केले आहे. सिद्धी पाटणे आणि विशाल दलाल या नवदाम्पत्याना आयुष्याच्या या नव्या प्रवासासाठी खूप खूप शुभेच्छा!