​माझा होशील ना मालिकेतील अभिनेत्रीला या कारणामुळे मंदिर प्रवेश नाकारला..

​​झी म​​राठी वाहिनीवर ​​माझा होशील ना ही मालिका प्रसारित केली जात होती. या मालिकेत नयना हे विनोदी पात्र तितकेच लोकप्रिय झाले होते. मालिके​तील नयनाचे पात्र साकारणारी मुग्धा पुराणिक अभिनयासोबतच एक अप्रतिम गायिका देखील आहे. ती नेहमीच तिच्या गाण्याचे व्हिडिओ सोशल मीडियावर पोस्ट करीत असते. तिने विविध नाटके आणि संगीतातही सहभाग घेतला आहे. अभिनेत्री मुग्धा पुराणिक हिला काल वाईट अनुभव आला आहे..

मुग्धा तिच्या मैत्रिणीसोबत काल रविवारी कल्याण येथील प्रसिद्ध मानस मंदिर जैन ​मंदिर येथे देवदर्शनासाठी गेली होती. परंतु आत रांगेत उभे असताना त्यांना तिथल्या समाजातील लोकांनी ​हटकलं आणि तुम्ही मंदिरात जाऊ शकत नाही असं सांगितलं. याबाबत कारण विचारलं तर त्या लोकांनी तुम्ही जैन धर्मीय नाहीत असं सांगितलं. त्यामुळे मंदिरात तुम्हाला प्रवेश करता येणार नाही असं त्यांनी बजावून सांगितलं. मंदिरात प्रवेश नाकारल्याने अभिनेत्री मुग्धा पुराणिक हिने एक व्हिडिओ सोशल मीडियावर शेअर केला आहे. या व्हिडिओत तिने आपल्याला आलेला अनुभव सांगितला असून याबाबत योग्य ती कारवाई करण्यात यावी असेही मत मांडले आहे. हिंदू धर्मियांच्या मंदिरात सर्वांना प्रवेश दिला जातो. मी स्वतः जात​, ​धर्म ह्या गोष्टीमध्ये भेद करत नाही त्यामुळे मी काल जैन मंदिरात दर्शनासाठी गेले होते मात्र आम्हाला त्याठिकाणी केवळ जैन धर्मीय नसल्याने प्रवेश नाकारण्यात आला​. आपल्या हिंदू​ मंदिरात सर्वांना विनामूल्य कुठलेही पैसे न घेता दर्शन दिले जाते मात्र कालचा अनुभव माझ्यासाठी खूपच वाईट होता. मंदिरात गेल्यावर सुरुवातीला​ आम्हाला ओढणी देण्यात आली ती आम्ही घेऊन रांगेत उभे राहिलो होतो पण जैन धर्मीय नसल्याने आम्हाला दर्शन घेण्यास मनाई केली गेली त्यामुळे साहजिकच मुग्धाच्या भावना दुखावल्या गेल्या आहेत.

सहसा अशी अडवणूक होत नाही पण मुग्धा सोबत घडलेली घटना खूपच अनपेक्षित आहे. माझा हा व्हिडीओ पाहून कोणीतरी आवाज उठवावा अशी अपेक्षा तिने सोशल मीडियावर व्यक्त केली आहे. तिच्या या मताला अनेकांनी पाठिंबा दर्शवला आहे. यात निश्चित बदल व्हावेत अशी भावना काही जणांनी व्यक्त केलेली पाहायला मिळत आहे. मुग्धा प्रमाणे असा अनुभव अनेकांना आला असेल मात्र यावर कुठलेही ठोस पाउल आजवर उचलण्यात आले नाही.