​​माझी तुझी रेशीमगाठ मालिकेतील ह्या लहान मुलाला ओळखलंत? आहे खूपच प्रसिद्ध

झी मराठी वाहिनीवर माझी तुझी रेशीमगाठ ही मालिका प्रसारित होत आहे. अभिनेता श्रेयस तळपदे आणि अभिनेत्री प्रार्थना बेहरे या दिग्गज कलाकारांमुळे ही मालिका अधिकच खुलून आली आहे. शीतल क्षीरसागर, संकर्षण कऱ्हाडे, मोहन जोशी या जाणत्या कलाकारांची साथ या मालिकेला मिळाली आहे. या मालिकेत परी हे पात्र देखील प्रेक्षकांच्या पसंतीस उतरत आहे. परीची भूमिका बालकलाकार मायरा वायकुळ हिने साकारली असून आणखी एक बालकलाकार या मालिकेतून पाहायला मिळत आहे.

‘पिकूचू’ नावाचे हे कॅरेक्टर थोडेसे अल्लड दाखवले आहे. यश म्हणजे श्रेयस तळपदे याच्या काकूचा मुलगा पिकूचू, ही भूमिका बालकलाकार “वेद आंब्रे” याने साकारली आहे. वेद खूप अगोदर पासून वेगवेगळ्या टीव्ही मालिकांमधून काम करतो आहे, बहुतेकांनी या चिमुरड्याला ओळखलेही असावे. नुकताच तो आई कुठे काय करते या मालिकेत ज्युनिअर यशच्या भूमिकेत दिसला होता. या मालिके खेरीज गाथा नवनाथांची, स्वराज्यजननी जिजामाता, सिंधू, डॉ बाबासाहेब आंबेडकर, विठू माऊली, तू माझा सांगाती, लक्ष्मी सदैव मंगलम, ग्रहण, खुलता कळी खुलेना, लक्ष्य, सावधान इंडिया, अस्मिता, स्पेशल ५, आपला माणूस अशा अनेक गाजलेल्या मालिकेतून तो प्रेक्षकांसमोर आला आहे. एवढ्या कमी वयात ढीगभर मालिका साकारणारा वेद हा बहुतेक एकमेव बालकलाकार असावा. या यशामागे निश्चितच त्याची मेहनत कामी आली असे म्हणायला हरकत नाही.

त्यामुळे या सर्व मालिकांमधून वेद आंब्रे हे नाव आज प्रत्येकाच्या घराघरात पोहोचले असेलच. माझी तुझी रेशीमगाठ या मालिकेत तो पिचकूच्या भूमिकेत दिसत आहे. सध्या त्याच्या अभिनयाला पुरेसा वाव नसला तरी पुढे जाऊन हे पात्र काय धमाल उडवणार हे पाहणे औत्सुक्याचे ठरणार आहे. कारण यशच्या काकू आपल्याच मुलाला प्रॉपर्टी मिळवून देण्यासाठी खेळी खेळताना पाहायला मिळाल्या आहेत. पिचकू हे पात्र देखील त्याच धाटणीचे असेल किंवा तो यशची बाजू घेण्याचा प्रयत्न करेल का हे येत्या काही भागात स्पष्ट होईल. लहानग्या मायरा वायकुळ हिच्यामुळे मालिका पाहायला खूप मजा येते असं अनेकांचं मत आहे. टेलिव्हिजन वरील या आणखी एका दमदार मालिके निमित्त वेद आंब्रे या बालकलाकाराला खूप खूप शुभेच्छा.