“मला फालतू ऍटीट्युड द्यायचा नाही”.. वाईल्ड कार्ड एन्ट्री आदिश वैद्य वर चाहते झाले भलतेच खुश

मराठी बिग बॉसच्या घरातून नुकतेच अभिनेता अक्षय वाघमारे याने एक्झिट घेतली आहे. अक्षयच्या अचानक जाण्याने बिग बॉसच्या घरातील सदस्यांनी आणि त्याच्या चाहत्यांनी देखील नाराजी व्यक्त केली आहे. अक्षय वाघमारे बिग बॉसच्या घरात हळूहळू आपला जम बसवताना दिसला होता एका टास्क दरम्यान त्याला ईजा देखील झाली होती पण तिसऱ्याच आठवडयात त्याला बिग बॉसच्या घरातून बाहेर पडावे लागले आहे अनेकांना त्याच्या जाण्याला नाराजी दर्शवली आहे.

अक्षय वाघमारे घराबाहेर निघाला मात्र दुसरीकडे वाईल्ड कार्ड द्वारे एन्ट्री घेऊन आलेला सदस्य म्हणजेच अभिनेता आदीश वैद्य धुमाकूळ घालताना दिसत आहे. त्याने एन्ट्री घेताच स्नेहा वाघने नाराजी दर्शवली होती. तर आजच्या भागात तो जय दुधनेला चांगलाच धारेवर धरताना दिसत आहे. जय आणि आदीश वैद्य यांच्यात नुकताच एक वाद झालेला पाहायला मिळतो आहे. आदीश जयला खड्या आवाजात दम देऊन म्हणतो की, “मला फालतू ऍटीट्युड द्यायचा नाही.. तुझी बॉडी बिडी काय असलं ते दुसऱ्याला दाखवायचं.. इतक्या जवळ यायचं नाही, मला चालणार नाही”. असं तो जयला ठणकावून सांगतो. त्यानंतर बिग बॉसला सूचित करतो की” हा जर माझ्या जवळ आला ना तर मी जबाबदार नाही.. रुल्स गेले उडत..” आदिशच्या या डॅशिंग एंट्रीवर अनेकांनी खूप उत्साहित प्रतिक्रिया दिल्या आहेत. आता घरातल्या सदस्यांची विशेष करून आवाज चढवणाऱ्या जय, मीरा, गायत्री, स्नेहाची जिरणार असेच आता बोलले जात आहे. मालिकेच्या प्रेक्षकांनी देखील सोशल मीडियावर अशाच स्वरूपाच्या प्रतिक्रिया करून आनंद व्यक्त केला आहे.

वाईल्ड कार्डद्वारे एन्ट्री घेतलेला आदिश वैद्य हा हिंदी आणि मराठी मालिका अभिनेता आहे. कुंकू टिकली आणि टॅट्टू या मालिकेतून तो पहिल्यांदा प्रेक्षकांसमोर आला होता. अभिनय आणि फिटनेसकडे लक्ष्य देणाऱ्या आदीशने त्यानंतर रात्रीस खेळ चाले या लोकप्रिय मालिकेतून अभिनय साकारला होता. जिंदगी नॉट आउट, बॅरिस्टर बाबू, कुंकू टिकली आणि टॅट्टू, गुम है किसीं के प्यार में, नागीण या मालिका त्याने अभिनित केल्या आहेत. गुम है किसीं के प्यार में या मालिकेतून त्याने काही दिवसांपूर्वीच एक्झिट घेतली आहे. यात तो मोहित चव्हाणची भूमिका साकारत होता. मात्र मराठी बिग बॉसच्या तिसऱ्या सिजनमध्ये त्याला आमंत्रित करण्यात आल्याने त्याने ही मालिका काही दिवसांपूर्वीच सोडली होती. बिग बॉसच्या घरात आलेला आदीश आता प्रेक्षकांचे भरभरून मनोरंजन करणार असेच चित्र सध्या तरी निर्माण झाले आहे. आता तो आणखी काय काय धुमाकूळ घालणार हे पाहणे रंजक होणार आहे.