रात्रीस खेळ चाले मालिका अभिनेत्री झाली विवाहबद्ध..सेलिब्रिटींकडून अभिनंदनाचा वर्षाव

मराठी सृष्टीत कलाकारांची लगीनघाई पाहायला मिळत आहे. काल अभिनेत्री तितीक्षा तावडे आणि सिद्धार्थ बोडके यांचा लग्नसोहळा थाटात पार पडला. तर आज २७ फेब्रुवारी रोजी अभिनेत्री पूजा सावंत सिद्धेश चव्हाण सोबत लग्नगाठ बांधली. याच जोडीला रात्रीस खेळ चाले या लोकप्रिय मालिकेतील अभिनेत्रीनेही लग्नगाठ बांधून आनंदाची बातमी चाहत्यांसोबत शेअर केली आहे. रात्रीस खेळ चाले या झी मराठीवरील मालिकेच्या तिन्ही पर्वाला प्रेक्षकांनी खूप चांगला प्रतिसाद दिला होता.

मालिकेतील दुसऱ्या पर्वात शोभाची भूमिका देखील विशेष गाजलेली पाहायला मिळाली. ही भूमिका अभिनेत्री मंगल राणे हिने साकारली होती. मंगल ही थिएटर आर्टिस्ट आहे. नाटकातून काम करत असताना रडू, रात्रीस खेळ चाले, क्षेत्रपाल श्री देव वेतोबा, संत गजानन शेगावीचे अशा चित्रपट, मालिकांमधून मंगलला महत्वाच्या भूमिका साकारण्याची संधी मिळाली होती. शोभाच्या भूमिकेने मंगल प्रेक्षकांच्या घराघरात पोहोचली होती. नुकताच अभिनेत्री मंगल राणे हीचा विवाहसोहळा संपन्न झाला आहे. फोटोग्राफर असलेल्या संतोष पेडणेकर सोबत तिने लग्न केले आहे. मिसेस पेडणेकर असे कॅप्शन देत तिने लग्नाचे खास क्षण चाहत्यांसोबत शेअर केले आहेत. मंगल राणे ही कोकणातलीच असल्याने तिला मालवणी भाषा चांगली अवगत आहे.

स्थानिक नाटक, सांस्कृतिक कार्यक्रमातून मंगलने नेहमीच सहभाग दर्शवला होता. झी मराठी वाहिनीच्या रात्रीस खेळ चाले या मालिकेसाठी ही भाषा अवगत असलेल्या कलाकारांना काम करण्याची संधी मिळाली होती. त्यात मंगलने शोभाचे पात्र निभावले होते. हे पात्र मंगलने तिच्या सहजसुंदर अभिनयाने चांगलेच गाजवले होते. क्षेत्रपाल श्री देव वेतोबा या मालिकेतही तिच्या वाट्याला अशाच धाटणीची भूमिका आली होती. मालिकेने अल्पावधीतच प्रेक्षकांचा निरोप घेतला असला तरी तिने साकारलेली शालिनी विशेष लक्षवेधी ठरली होती. मालिका चित्रपट असा प्रवास सुरु असतानाच मंगलने आता लग्न करण्याचा निर्णय घेतला. आयुष्याच्या या नवीन प्रवासासाठी मंगल राणे आणि संतोष पेडणेकर यांना खूप खूप शुभेच्छा.