लग्नानंतर या प्रसिद्ध जोडप्याने जोतिबाच्या दर्शनाला लावली हजेरी

अभिनेता सुयश टिळक आणि अभिनेत्री आयुषी भावे २१ ऑक्टोबर २०२१ रोजी विवाहबंधनात अडकले होते. त्यांच्या लग्नाचे खास फोटो अभिनेत्री हर्षदा खानविलकर यांनी सोशल मीडियावर शेअर केले होते. आयुषी आता टिळक देशपांडे आणि खानविलकर कुटुंबाची सदस्य झाली असल्याचे त्यांनी त्यात म्हटले होते. हर्षदा खानविलकर, मृणाल देशपांडे, शर्मिला राजाराम, सावनी रवींद्र, सुकन्या कुलकर्णी, अर्चना निपाणकर, ऋतुजा बागवे, गौतमी देशपांडे, पूर्ण पेठे, समिधा गुरू अशा अनेक कलाकारांनी त्यांच्या लग्नाला हजेरी लावली होती.

सुयश सोबत लग्नानंतर आयुषीने आपले इन्स्टग्रामवरील नावात बदल केलेला पाहायला मिळाला. आयुषी भावेने लग्नानंतर आयुषी टिळक हे नाव लावणे पसंत केले आहे. शक्यतो मराठी सृष्टीतील अभिनेत्री लग्नानंतर आपल्या नावात बदल करत नाहीत मात्र आयुषी चित्रपटातुन झळकण्यागोदरच आपले नाव बदलताना दिसली आहे. लग्नानंतर आयुषी आणि सुयश या दोघांनी नुकतीच कोल्हापूरला जाऊन ज्योतिबाच्या दर्शनाला हजेरी लावली आहे. ज्योतिबाच्या नावानं चांगभलं!… असं कॅप्शन देऊन तेथील फोटो आयुषीने इन्स्टाग्रामवर शेअर केलेले पाहायला मिळत आहेत. आयुषी हि एक प्रसिद्ध अभिनेत्री असून तिने २०१८ साली श्रावण क्वीनचा किताब मिळवला होता. ह्याच बरोबर ती झी युवा वाहिनीवरील युवा डान्सिंग क्वीन या शो मध्ये देखील झळकली होती. आयुषी भावे लवकरच एका आगामी मराठी चित्रपटातही दिसणार आहे त्या चित्रपटाचं नाव आहे “या गावच कि त्या गावच”.

आयुषी भावे हि एक उत्तम डान्सर असल्याने तिचा चाहतावर्ग देखील खूप मोठा आहे. बरखा या व्हिडीओ सॉंग मधून देखील ती प्रेक्षकांसमोर आली आहे. का रे दुरावा, पुढचं पाऊल, सख्या रे, बाप माणूस, दुर्वा या मालिकेमुळे सुयशला प्रसिद्धी मिळाली होती. का रे दुरावा ता मालिकेमुळे सुयश प्रेक्षकांच्या घराघरात पोहोचला होता. दरम्यान सुयश टिळक शुभमंगल ऑनलाइन या मालिकेनंतर आता कुठल्या प्रोजेक्टमध्ये दिसला नाही पण लग्नानंतर येत्या काही दिवसातच तो मालिकेतून पुन्हा छोट्या पडद्यावर सक्रिय होईल अशी आशा आहे. आयुषी आणि सुयश या नवदाम्पत्यास वैवाहिक आयुष्याच्या मनःपूर्वक शुभेच्छा.