धक्कादायक! तारक मेहता का उलटा चष्मा मालिकेतून या अभिनेत्याचा काढता पाय

​तारक मेहता का उल्टा चश्मा ही मालिका गेल्या १४ वर्षांपासून प्रेक्षकांचे मनोरंजन करत आहे. या मालिकेतील कलाकार प्रेक्षकांच्या मनात घर करून आहेत. मात्र गेल्या काही वर्षांपासून या मालिकेतील कलाकारांनी हा शो सोडण्याचा निर्णय घेतल्याने अनेक चाहत्यांना धक्का बसला आहे. असाच एक धक्का मालिकेच्या चाहत्यांना अस्वस्थ करून टाकणारा आहे. मालिकेतील तारक मेहताची भूमिका साकारणारे शैलेश लोढा यांनी ही मालिका सोडली असल्याचे सांगितले जाते. इ टाइम्सने याबाबत स्पष्टीकरण देत म्हटले आहे की, गेल्या काही दिवसंपासून शैलेश लोढा या मालिकेतून गायब आहेत.

त्यामु​​ळे त्यांनी ही मालिका सोडली असल्याचे सांगितले जात आहे.शैलेश लोढा दशकाहून अधिक काळ या मालिकेत सक्रिय आहेत, त्यामुळे त्यांचे मालिकेतून निघून जाणे चाहत्यांना रुचलेले नाही. प्रदीर्घकाळ मालिकेतून मनोरंजन करत असताना कलाकार त्या भूमिकेत रुळलेला असतो हे प्रेक्षक जाणून आहेत. मात्र या मालिकेत काम करत असताना शैलेश लोढा यांना दुसऱ्या कुठल्याच प्रोजेक्टमध्ये काम करता आले नव्हते. या मालिकेमुळे त्यांनी अनेक चांगल्या ऑफर धुडकावून लावल्या होत्या. मात्र आता एक वेगळं काहीतरी करावं आणि आपली एक वेगळी ओळख निर्माण करता यावी म्हणून त्यांनी या मालिकतून काढता पाय घेतला असल्याचे दिसून येत आहे.

तारक मेहता का उल्टा चश्मा या मालिका खेरीज शैलेश लोढा यांनी काही कॉमेडीशोमध्ये काम केले होते. परंतु यामुळे त्यांना फारशी प्रसिद्धी मिळाली नव्हती. तारक मेहता आणि कॉमेडी शो अशी तारेवरची कसरत करत असताना कुठेतरी ठोस निर्णय घेऊन त्यांनी मालिकेत सक्रिय राहणे पसंत केले. मात्र आता आपल्यालाही ओळख मिळायला हवी याहेतून त्यांनी मालिका सोडण्याचा निर्णय घेतला. हा निर्णय घेत असताना मालिकेच्या टीमने त्यांना समजावण्याचा प्रयत्न केला. तर त्यांच्या तारखा देखील ऍडजस्ट करण्याचा सल्ला दिला. मात्र दुसऱ्या प्रोजेक्टमधून वेळ मिळत नसल्याने अखेर त्यांनी मालिका सोडण्याचे निश्चित केले आहे.

शैलेश लोढा आणि दिलीप जोशी यांची मैत्री मालिकेतून जशी दाखवण्यात आली. तशीच त्यांची मैत्री खऱ्या आयुष्यातही तितकीच घट्ट आहे. शैलेश मालिका सोडत असल्याने दिलीप यांनी देखील नाराजी दर्शवली होती. आता मालिका सोडत असल्याची ही बातमी जाहीर करण्यात आली असल्याने प्रेक्षकांनी देखील या मालिकेवर नाराजी दर्शवली आहे. शैलेश लोढा यांनी मालिका सोडू नये असे त्यांच्या चाहत्यांचे म्हणणे आहे. मालिकेच्या प्रेक्षकांची ही ईच्छा शैलेश लोढा पूर्ण करणार का ते आपला निर्णय बदलणार का हे येत्या काही दिवसातच स्पष्ट होईल.