रुचिराच्या मोहक फोटोशूट वर चाहते झाले फिदा

घराघरात पोहोचलेली ब्युटी सेनसेशन माया म्हणजेच अभिनेत्री रुचिरा जाधव खऱ्या आयुष्यातही कमालीची बोल्ड आणि बिनधास्त आहे. माझ्या नवऱ्याची बायको मालिकेतून दमदार अभिनयाच्या जोरावर तिने परीक्षकांच्या मनात मायाचे कायमचे स्थान मिळविले. तिच्या मादक आणि बिनधास्त लूक वेड लावल्याशिवाय राहणार नाही अशा प्रतिक्रिया उमटत आहेत. रुचिराचे फक्त बोल्ड मॉडर्न लूक फोटो नाही तर साडी मधील फोटो देखील नेहमीच प्रेक्षकांच्या पसंतीस उतरत आहेत.

गुरुनाथ सुभेदारच्या प्रेमात वेडी झालेली माया आणि बिझनेस माईंडेड गुण यावर साकारलेली भूमिका प्रेक्षकांना खूप आवडली. मराठी वेब सिरीज माझ्या मित्राची गर्लफ्रेंड, एफओएमओ, बंच ऑफ रेड रोझेस यामध्येही विशेष भूमिका केली आहे. रुचिराने लव्ह लफडे आणि सोबत या दोन चित्रपटात देखील काम केले. आगामी बाबू सिनेमात अभिनेता अंकित मोहन सोबत अभिनेत्री रूचिरा जाधव महत्त्वपूर्ण भूमिकेत दिसणार आहे. या सिनेमासाठी ती आगरी भाषा शिकत असल्याची चर्चा देखील खूप व्हायरल झाली. तिचे आकर्षक फोटो चाहत्यांना नेहमीच भुरळ घालणारे असतात. रुचिराचा मूळची मुंबईची, शालेय शिक्षण पराग विद्यालय, भांडुप येथे पूर्ण केल्या नंतर के जे सोमय्या कॉलेज ऑफ सायन्स अँड कॉमर्स येथून जेनेटिक्स मध्ये पदवीत्तर झाली. महाविद्यालयीन नाटक आणि एकांकिका मधून तिने सकाळ करंडकात सर्वोत्कृष्ट अभिनेत्री आणि सर्वोत्कृष्ट लेखिका असे दोन्ही पुरस्कार पटकाविले.

भविष्यात अभिनय क्षेत्रात करिअर करण्याचा तिचा निर्णय यामुळे पक्का झाला होता. तुझ्या वाचून करमेना या मालिकेत रुचिराने टेलिव्हिजन जगतात दिमाखदार पदार्पण केले. या मालिकेत नुपूर सोमण हे पात्र साकारले होते. बे दुणे १०, माझे पती सौभाग्यवती आणि प्रेम हे अशा मराठी मालिका मध्ये तिने वैशिष्ट्यपूर्ण भूमिका केल्या आहेत. मोहक फोटोशूट आणि दमदार अभिनयासाठी रुचिरा नेहमीच चर्चेत राहिली आहे. बाबू सिनेमाची बरीचशी गाणी चित्रित झाली असून ऍक्शनचा तडका असलेल्या या चित्रपटातील अंकित मोहन सोबतची रुचिराची जोडी प्रेक्षकांना खुप भावली आहे.