मराठी सृष्टीतील प्रसिद्ध अभिनेत्रीचा विवाह संपन्न.. दिग्दर्शकाशी बांधली लग्नगाठ

मराठी सेलिब्रिटींची लग्नं नेहमीच चर्चेचा विषय ठरली आहेत. त्यात आता राणादा आणि पाठकबाई म्हणजेच हार्दिक जोशी आणि अक्षया देवधर हे सेलिब्रिटी कपल लवकरच विवाहबद्ध होत आहे. काही दिवसांपूर्वी अक्षया आणि हार्दिक जोशी यांनी लंडनला ट्रिप एन्जॉय केली होती. या दोघांचा एक चित्रपट देखील लवकरच प्रेक्षकांच्या भेटीला येणार आहे मात्र त्याअगोदर हे दोघेही विवाहबद्ध होत असल्याचे त्यांच्या केळवणावरून स्पष्ट झाले आहे. ह्या दोघांचे लग्न सध्या चर्चेचा विषय असला तरी मराठी सृष्टीतील एका प्रसिद्ध अभिनेत्रीने  गुपचूप लग्न केलेले असल्याने तिच्या चाहत्यांना आणि सेलिब्रिटींना देखील सुखद धक्का बसला आहे.

अभिनेत्री नेहा जोशी आणि ओंकार कुलकर्णी हे दोघेही नुकतेच विवाहबद्ध झाले आहेत. Finally married असे म्हणत या दोघांनी अगदी साध्या पद्धतीने आणि कुठलाही गाजावाजा न करता मोजक्या मित्रमंडळी समवेत लग्नगाठ बांधली आहे. नेहा आणि ओंकार गेल्या अनेक वर्षांपासून एकमेकांना ओळखत होते. या दोघांनी एकत्रित कामही केले आहे. ओंकार कुलकर्णी हा लेखक आणि दिग्दर्शक आहे. काही नाटक आणि शॉर्टफिल्मचे त्याने लेखन केले आहे. Knock knock सेलिब्रिटी या नाटकामुळे नेहा आणि ओंकार यांची ओळख झाली. या नाटकाचे गटाने लेखन केले असून नेहाने या नाटकात प्रमुख भूमिका साकारली आहे. नेहा जोशी हिने मराठी सृष्टीत स्वतःची एक वेगळी ओळख बनवली आहे.

सहाय्यक तसेच विरोधी भूमिका तिने तिच्या अभिनयाने वठवल्या आहेत. मराठी चित्रपट, मालिका आणि नाटकांमधून स्थिरावलेल्या नेहाने हिंदी चित्रपटात देखील पाऊल टाकलं. ऊन पाऊस ही तिने अभिनित केलेली पहिली मालिका. का रे दुरावा या मालिकेतून तिने रजनीचे बिनधास्त पात्र साकारले होते. न्यूड, नशीबवान, पोश्टर बॉईज, नाती, पोश्टर गर्ल, ड्रीम मॉल, लालबागची राणी, स्वप्न तुझे नी माझे, फर्जंद अशा चित्रपटांमधून नेहाने विविधांगी भूमिका साकारलेल्या पाहायला मिळाल्या आहेत.एक महानायक डॉ बाबासाहेब आंबेडकर या हिंदी मालिकेतून नेहाने भीमाबाईंची व्यक्तिरेखा साकारली होती. नेहा जोशी आणि ओंकार कुलकर्णी या नवविवाहित दाम्पत्याचे अभिनंदन!