दाक्षिणात्य अभिनेत्या विरोधात तक्रार दाखल.. महिलेच्या मृत्युप्रकरणी अभिनेत्याला अटक

दाक्षिणात्य अभिनेता नागभूषण याला काल शनिवारी  बंगळुरू पोलिसांनी अटक केली आहे. नागभूषण हा त्याच्या गाडीने वसंत पुरा रस्त्याने जात होता. शनिवारी रात्री ९.४५ च्या सुमारास त्याच्या गाडीवरचा ताबा सुटला आणि गाडी थेट समोरच्या पुटपाथवर चढली. फुटपाथवरून चाललेल्या दोघा जोडप्याला त्याच्या गाडीने जोरदार धडक दिली. या अपघातात महिलेला गंभीर स्वरूपाची दुखापत झाली, या महिलेला हॉस्पिटलमध्ये नेताना वाटेतच प्राण सोडले अशी माहिती दिली जात आहे.

तर मृत महिलेच्या नवऱ्यालाही गंभीर दुखापत झाली असून त्यांच्यावर रुग्णालयात उपचार सुरू आहेत. नागभूषण याच्यावर याप्रकरणी केस दाखल करण्यात आली आहे. तर महिलेच्या मृत्युप्रकरणी पोलिसांनी नागभूषणला उशिरापर्यंत अटक करण्यात आली असल्याचे सांगितले जाते. नागभूषण हा कन्नड चित्रपट अभिनेता आहे. तगारु प्याला या चित्रपटातील भूमिकेसाठी तो ओळखला जातो. नागभूषण हा शनिवारी रात्री उशिरा आपल्या गाडीने उत्तरहल्लीवरून कोनानकुंटेकडे जात होता. वसंतपुरा जवळ आल्यानंतर त्याचा गाडीवरचा ताबा गेला आणि हा अपघात घडला. नागभूषण सोबत गाडीत आणखी कोण होतं याचा पोलीस तपास करत आहेत.

दरम्यान फुटपाथवरून जाणाऱ्या जोडप्याला धडक दिल्यानंतर नागभूषणची गाडी समोर असलेल्या विजेच्या खांबावर जाऊन धडकली. गाडीची अवस्था पाहून ही धडक किती जोराची होती याचा तुम्हाला अंदाज येईल. दरम्यान महिलेच्या मृत्यूनंतर नागभूषणला अटक करण्यात आली आहे. अपघातात  मृत्यू झालेली महिला प्रेमा या ४८ वर्षांच्या होत्या. तर त्यांचा ५८ वर्षीय नवरा कृष्णा यांच्या हातापायाला गंभीर स्वरूपाची दुखापत झाली असल्याचे सांगितले जाते. कृष्णा यांच्यावर रुग्णालयात उपचार सुरू आहेत. बंगळुरू येथील कुमारस्वामी पोलीस स्टेशनकडून नागभूषणवर कारवाई करण्यात आली आहे. या प्रकरणी नागभूषणला कठोरात कठोर शिक्षा व्हावी अशी मृत महिलेच्या नातेवाईकांनी मागणी केली आहे.