प्राजक्ता माळी, सई लोकुर नंतर या मराठी अभिनेत्रीचा नव्या घरात गृहप्रवेश

आपण जिथे काम करतो तिथे आपलं स्वतःच हक्काचं घर असावं अशी इच्छा प्रत्येकाचीच असते. मराठी सेलिब्रिटी देखील अभिनय क्षेत्रात यश मिळाल्यानंतर स्थिरस्थावर होण्यावर लक्ष केंद्रित करत असतात. काही दिवसांपूर्वी प्राजक्ता माळी हिने स्वतःचं फार्महाऊस खरेदी केलं. तर सई लोकूर हिनेही लग्नानंतर स्वतःचं हक्काचं घर खरेदी करत नव्या घरात गृहप्रवेश केला. आता मराठी मालिका, चित्रपट अभिनेत्री मीरा जोशी हिने नुकतीच आपल्या नव्या घराची वास्तुशांती केली.

आई वडील आणि भाऊ यांच्या सोबत मिराने या नव्या घराचे काही व्हिडीओ सोशल मीडियावर शेअर करताच तिच्यावर सेलिब्रिटींनी अभिनंदनाचा वर्षाव करण्यास सुरुवात केली. मीरा जोशी ही उत्कृष्ट नृत्यांगना आहे. सलग काही तास नृत्य करून तिने एक विक्रम रचला होता. वेग वेगळ्या डान्सच्या रिऍलिटी शोमध्ये मिराने सहभाग घेतला होता. यातूनच मीराला अभिनय क्षेत्रात येण्याची नामी संधी मिळाली. मिराने तुझं माझं ब्रेकअप, प्रेमा तुझा रंग कसा, कुलस्वामिनी, ढोलकीच्या तालावर अशा मालिका आणि डान्स शो दमदार अभिनय आणि नृत्याने गाजवले आहेत. तर हुनर हिंदुस्थान का, भूत पूर्व या रिऍलिटी शो तसेच हिंदी मालिकेत तिने काम केले आहे. गेली अनेक वर्षे मीरा अभिनय क्षेत्रात कार्यरत आहे.

मुंबई पुणे एक्सप्रेसवे वरून जात असताना काही दिवसांपूर्वीच तिच्या गाडीला अपघात झाला होता. तेव्हा तिच्या गाडीचे खूप मोठे नुकसान झाले होते. त्यानंतर मिराने नवीन गाडी खरेदी केलेली पाहायला मिळाली. मीरा काही दिवसांपूर्वीच सोशल मीडियावर प्रसिद्धी मिळवताना दिसली. बॉयफ्रेंड सोबतचे काही खास फोटो तिने सोशल मीडियावर जाहीर करताच प्रेमात असल्याची कबुली दिली होती. तिचा हा बॉयफ्रेंड नक्की कोण आहे याचा खुलासा करणे तिने टाळले होते. मात्र आता नवीन घरात गृहप्रवेश केलेली मीरा पुन्हा एकदा चर्चेचा विषय ठरली. तिच्या या यशस्वी वाटचालीसाठी सेलिब्रिटींकडून शुभेच्छा दिल्या जात आहेत.