हिंदी मालिका अभिनेत्रीने माफी मागावी.. चला हवा येऊ द्या फेम कलाकाराला सहन करावा लागतोय नाहक त्रास

चला हवा येऊ द्या या शोचे अनेक चाहते आहेत त्यामुळे या शोमधील सर्वच कलाकार प्रेक्षकांच्या विशेष पसंतीस उतरले आहेत. या शोमध्ये संगीत दिग्दर्शक म्हणून तुषार देवल हा गेले अनेक वर्षे या कार्यक्रमाचा महत्वाचा भाग बनला आहे. विनोदाचं अचूक टायमिंग आणि त्याला संगीतातून मिळालेली तुषारची साथ याचमुळे हा शो प्रेक्षकांना विशेष भावला आहे. मात्र तुषार देवल सध्या एका नाहक त्रासाला सामोरे जाताना दिसत आहे.

तुषार ने याबाबत स्पष्टीकरण देत म्हटले आहे की, नमस्कार, मी तुषार देवल गेले काही दिवस मला खूप unknown कॉल येत आहेत त्यामुळे मी प्रचंड त्रस्त आहे. ह्या सगळ्याचं कारण आहे हिंदी मालिकेतील अभिनेत्री ख्याती जोशी उर्फ गुलकी जोशी हिने तिच्या युट्युब इंटरव्ह्यूमध्ये तिचं CINTAA चं कार्ड दाखवलं ज्यात माझा मोबाईल नंबर दाखवला गेला आहे. त्यामुळे मी गुलकी जोशी समजून मला दिवसाला जवळ जवळ १०० च्या वर कॉल येत आहेत. ही सर्व माहिती मी त्या अभिनेत्रीपर्यंत माझ्या एका मित्राच्या माध्यमातून पोहोचवली. त्यावर तिने त्या युट्युब चॅनल मधील माझा नंबर ब्लर देखील केला. पण तो पर्यंत तो व्हिडिओ ६ हजार लोकांनी पाहिला होता. त्यामुळे मला अजूनही कॉल येत आहेत. बर ह्या सगळ्या प्रकारानंतर मॅडमनी (गुलकी जोशी) मला सॉरी म्हणायला तरी कॉल करायला पाहिजे होता तो अद्याप आलेला नाही. तरी या प्रकरणातून मार्ग कसा काढता येईल “. अशा स्वरूपाची एक पोस्ट तुषारने शेअर केली आहे.

गुलकी जोशी हिने मिठीबाई कॉलेजमधून शिक्षण घेतले आहे. तसेच ती हिंदी मालिकेतील एक आघाडीची नायिका म्हणूनही ओळखली जात आहे. मॅडम सर या मालिकेत ती मुख्य भूमिका निभावत आहे. गुलकी जोशी हीने  वागळे की दुनिया, तेरा यार हुं मै, जिद्दी दिल माने ना यासारख्या हिंदी मालिका साकारल्या आहेत. हिंदी मालिका अभिनेत्री मानसी जोशी आणि शरमन जोशी यांची ती चुलत बहीण आहे. या गुलकी जोशी मुळे तुषार देवल मात्र नाहक त्रासाला बळी पडत आहे.