अभिनेता सुयश टिळकचा विवाह संपन्न… पहा लग्नाचे खास फोटो

अभिनेता सुयश टिळक आणि अभिनेत्री आयुषी भावे आज गुरुवार २१ ऑक्टोबर २०२१ रोजी विवाहबंधनात अडकले आहेत. नुकतेच त्यांच्या लग्नाचे खास फोटो अभिनेत्री हर्षदा खानविलकर यांनी सोशल मीडियावर शेअर केले आहेत. आयुषी आता टिळक देशपांडे आणि खानविलकर कुटुंबाची सदस्य झाली असल्याचे त्यांनी त्यात म्हटले आहे. कारण हर्षदा खानविलकर, मृणाल देशपांडे आणि सुयश टिळक यांनी पुढचं पाऊल या मालिकेत एकत्रित काम केलं होतं तेव्हापासून हर्षदा आणि मृणाल सुयशला आपल्या लेकासारखं मानतात. काही दिवसांपूर्वीच या दोघांनी सुयश आणि आयुषीचे केळवण थाटात साजरे केले होते त्यावरून हे दोघे लवकरच लग्न करणार असल्याचे बोलले जात होते.

आयुषी आणि सुयशच्या घरी गेल्या तीन दिवसांपासून लग्नाची धामधूम सुरू होती. १९ ऑक्टोबर रोजी हळद आणि मेहेंदीचा सोहळा संपन्न झाला. आणि काल २० ऑक्टोबर रोजी संगीत सोहळा पार पडला. यावेळी आयुषी आणि सुयशने मराठी गाण्यांवर ठेका धरलेला पाहायला मिळाला. “माझ्या आयुष्यातली प्रत्येक गोष्ट सुंदर बनवणारी स्त्री” असं म्हणत अभिनेता सुयश टिळकने जुलै महिन्यात अभिनेत्री आयुषी भावे सोबत साखरपुडा केला होता. आपल्या आयुष्यात आलेला हा सूंदर क्षण त्याने चाहत्यांसोबत शेअर केलेला पाहायला मिळाला होता. आयुषी आणि सुयश यांचा विवाह नुकताच संपन्न झाला आहे. त्यांच्या या लग्नाला नातेवाईक, मित्रमंडळी आणि अभिनेत्री हर्षदा खानविलकर, मृणाल देशपांडे अशा मराठी सृष्टीतील प्रसिद्ध कलाकारांनी हजेरी लावली आहे. आयुषीने आपल्या लग्नात लाल रंगाचा शालू परिधान केला आहे तर सुयशने सफेद रंगाचा कुर्ता परिधान केला आहे.आयुषी आणि सुयशच्या लग्नातील हे सुंदर क्षण हर्षदा खानविलकर यानी आपल्या कॅमेऱ्यात टिपले आहेत. त्यांच्या आयुष्याच्या या सुंदर वाटचालीला सेलिब्रिटींनी देखील भरभरून शुभेच्छा दिल्या आहेत.

आयुषी हि एक अभिनेत्री असून तिने २०१८ साली श्रावण क्वीनचा किताब मिळवला होता. ह्याच बरोबर ती झी युवा वाहिनीवरील युवा डान्सिंग क्वीन या शो मध्ये देखील झळकली होती. आयुषी भावे लवकरच एका आगामी मराठी चित्रपटातही दिसणार आहे त्या चित्रपटाचं नाव आहे “या गावच कि त्या गावच”. आयुषी भावे हि एक उत्तम डान्सर असल्याने तिचा चाहतावर्ग देखील खूप मोठा आहे. बरखा या व्हिडीओ सॉंग मधून देखील ती प्रेक्षकांसमोर आली आहे. का रे दुरावा, पुढचं पाऊल या मालिकेमुळे सुयशला प्रसिद्धी मिळाली होती. दरम्यान सुयश टिळक शुभमंगल ऑनलाइन या मालिकेनंतर आता कुठल्या प्रोजेक्टमध्ये दिसत नाही पण लग्नानंतर काही दिवसातच तो पुन्हा सक्रिय होईल. आयुषी आणि सुयशला या नवदाम्पत्यास वैवाहिक आयुष्याच्या मनःपूर्वक शुभेच्छा.