बिग बॉसच्या ओटीटी सिजन २ मध्ये मराठमोळ्या अभिनेत्रीची एन्ट्री

सलमान खान होस्ट करत असलेल्या ओटीटी प्लॅटफॉर्मवरील बिग बॉसच्या दुसऱ्या सिजनला लवकरच सुरुवात होणार आहे. या शोमध्ये सहभागी होणाऱ्या संभाव्य स्पर्धकांची यादी जाहीर करण्यात येत आहे. त्यात काही दिवसांपूर्वीच चर्चेत राहिलेली नवाजुद्दीन सिद्दीकीची विभक्त पत्नी आलिया सिद्दीकी. तसेच विनाश सचदेव आणि त्याची अगोदरची गर्लफ्रेंड पलक पुरस्वानी यांचा समावेश असल्याचे म्हटले जाते. बिग बॉस ओटीटीच्या स्पर्धकांमध्ये मराठमोळी अभिनेत्री सुद्धा पाहायला मिळणार आहे. रितेश देशमुख आणि जेनेलियाची प्रमुख भूमिका असलेल्या वेड या चित्रपटाने मराठी प्रेक्षकांच्या मनात एक वेगळे स्थान निर्माण केले. वेड चित्रपटाला प्रेक्षकांनी भरभरून प्रतिसाद देत या वर्षातला सुपरहिट चित्रपट ठरवण्यास हातभार लावला.

यामध्ये आणखी एक पात्र विशेष महत्वाचे ठरले होते. जिया शंकर हिने रितेशच्या प्रेयसीची भूमिका निभावली होती. या पहिल्याच चित्रपटाने जियाला मोठी प्रसिद्धी मिळवून दिली. खरं तर जिया शंकर ही मराठी अभिनेत्री आहे पण तिला दाक्षिणात्य चित्रपटातून अभिनयाची संधी मिळाली. पुढे तिने हिंदी मालिका सृष्टीत आपला जम बसवण्यास सुरुवात केली. मेरी हानिकारक बीवी, क्वीन्स हैं हम, प्यार तूने क्या किया, काटेलाल अँड सन्स आणि पिशाचिनी यासह अनेक लोकप्रिय मालिकांमधून तिने काम केले आहे. त्यामुळे जियाला मोठी प्रसिद्धी मिळाली आहे. याचाच फायदा म्हणून आणि एक मराठी चेहरा म्हणून ती आता बिग बॉस ओटीटीचा एक भाग बनणार आहे. बिग बॉसच्या शोमुळे तिची कारकीर्द मोठ्या प्रमाणात बदलू शकते.

ओटीटी प्लॅटफॉर्मवर बिग बॉस चांगलाच लोकप्रियता मिळवत असल्याने या शो चा दुसरा सिजन सुरू करण्यात येत आहे. नवाजुद्दीन सिद्दीकीची विभक्त पत्नी आलिया सिद्दीकी बिग बॉस ओटीटी शोचा भाग असणार आहे. नवाजुद्दीन सोबतचे तिचे नाते संपुष्टात आले त्यामुळे मोठे वाद झाले होते. सध्या आलिया दुबईत राहणाऱ्या एका इटालियन व्यक्तीला डेट करत आहे. दोघांची भेट एका कॉमन फ्रेंडच्या पार्टीत झाली होती. पलक पुरस्वानी ही शोमधील आणखी एक निश्चित स्पर्धक आहे. तिने स्प्लिट्सव्हीला ७, बडी देवरानी, बडे भैय्या की दुल्हनिया, नास्तिक, मेरी हानिकरक बीवी आणि ये रिश्ते हैं प्यार के यासह अनेक लोकप्रिय मालिकेत काम केले आहेत. अविनाश सचदेवसोबत तिने एंगेजमेंट केली होती पण चार वर्षे एकत्र राहिल्यानंतर दोघे वेगळे झाले होते. या सोबतच पूजा भट्ट, आकांक्षा पुरी, बेदीका धुर्वे, फलक नाझ, अभिषेक मल्हान, मनीषा राणी सारखे सेलिब्रिटी या शोमध्ये सहभागी होणार असे बोलले जात आहे.