मालिकेतील काकू बोक्याची जोडी ठरली हिट.. एकमेकांना डेट करत असल्याच्या चर्चा

कलर्स मराठीवरील भाग्य दिले तू मला या मालिकेने प्रेक्षकांची मनं जिंकून घेतली आहेत. मालिकेतील राज आणि कावेरीची नोकझोक प्रेक्षकांचे चांगलेच मनोरंजन करत आहे. हे दोघे कधी एकदा प्रेमात पडतील याची प्रेक्षक वाट पाहत असले तरी, त्यांच्यात झालेली छोटी छोटी भांडणं अशीच चालु राहावीत ही मालिकेच्या कलाकारांचीच ईच्छा आहे. राज आणि कावेरी एकमेकांना काकू आणि बोका या नावाने हाक मारतात. स्क्रिप्टमध्ये काकू ऍड असल्याने हा शब्द हिट होईल याची कल्पना देखील या कलाकारांनी केली नव्हती. अर्थात कावेरी काकूबाई प्रमाणे साडी नेसून ऑफिसमध्ये येत असल्याने राज वर्धनने तिला हे नाव दिलेले असते.

तर कावेरी देखील राजला बोका म्हणते, त्यानंतर काकू बोक्याची जोडी मालिकेत सुपरहिट झालेली दिसली. तन्वी मुंडले आणि विवेक सांगळे यांनी या मालिकेतून प्रमुख भूमिका साकारली. या दोघांची जुळून आलेली केमिस्ट्री प्रेक्षकांना विशेष भावली. विवेक सांगळे याने अनेक मालिकांमधून प्रमुख भूमिका साकारल्या आहेत. तर तन्वीची प्रमुख भूमिका असलेली ही दुसरी मालिका आहे. झी मराठीवरील पाहिले न मी तुला या मालिकेतून तन्वीने छोट्या पडद्यावर नायिका म्हणून पदार्पण केले होते. मालिकेतून एकत्रित काम करत असताना त्या कलाकारांची मनं जुळलेली पाहायला मिळतात. तन्वी आणि विवेक ये दोघेही प्रमुख कलाकार मालिका व्यतिरिक्त सोशल मीडियावर रिल्स बनवतात.

ह्या रिल्सची सुरुवात चॅनलकडूनच झाली मात्र या दोघांचे रील्स प्रेक्षकांना प्रचंड आवडू लागले. अगदी मराठी सृष्टीतील सेलिब्रिटी देखील कमेंट्स लाईक्सचा पाऊस पाडताना दिसतात. मात्र यावरून अनेकांनी दोघांना लग्न करण्याचा सल्ला दिला आहे. विवेकला तर मराठी सृष्टीतील कलाकार मंडळी स्वतः फोन करून तुम्ही दोघे एकमेकांना डेट करता का? असे प्रश्न विचारु लागले आहेत. मात्र हे केवळ मालिकेपुरते मर्यादित असल्याचे या दोघांनीही स्पष्ट केले आहे. अर्थात दोघांचे जुळून आलेलं हे एक छान बॉंडिंग आहे त्यामुळे त्यांच्या मालिकेतल्या भूमिका खुलून आलेल्या पाहायला मिळतात.

मालिकेच्या स्क्रिप्टमध्ये आता जर कावेरी आणि राज यांचे भांडण होणार असेल तर ते तेवढंच लिहून येतं. मात्र पुढे भांडण कसं रंगवायचं ही जबाबदारी सर्वस्वी या दोघांवरच सोपवली जाते. त्यामुळे मालिकेत अजून पुढे या दोघांची भांडणं अशीच पाहायला मिळावीत अशी प्रेक्षकांची देखील अपेक्षा आहे. त्यामुळेच भाग्य दिले तू मला ही मालिका प्रेक्षकांची अधिकाधिक पसंतीस पात्र ठरत आहे. मालिकेतील काकू आणि बोक्याची ही मिश्किल भांडणे रसिक प्रेक्षकांचे असेच मनोरंजन करीत राहो हीच सदिच्छा.