तेजस्वी प्रकाश अगोदर करण कुंद्रा होता या मराठमोळ्या अभिनेत्रीच्या प्रेमात..

तेजस्वी प्रकाश ही मराठमोळी स्पर्धक हिंदी बिग बॉसच्या १५ व्या सिजनची विजेती ठरली. बिग बॉसचा १५ वा सिजन तेजस्वी प्रकाश आणि करण कुंद्रा यांच्या अफेअरमुळे खूप चर्चेत राहिला होता. करणने या सिजनमध्ये टॉप ३ मध्ये प्रवेश मिळवला होता. बिग बॉसच्या घरात अफेअरमुळे बरेचसे कलाकार चर्चेत राहिले आहेत. सिद्धार्थ शुक्ला आणि शेहनाज गिल यांनी देखील बिग बॉसचा सिजन अफेअर मुळे गाजवला होता. करण हा गेल्या अनेक वर्षांपासून हिंदी सृष्टीत कार्यरत आहे. एम टीव्ही रोडीजमध्ये त्याने पार्टीसिपेट केले होते. त्यानंतर तो लोकप्रियता मिळवताना दिसला होता. हिंदी चित्रपटात झळकण्यासोबतच काही हिंदी रियालिटी शोमध्ये त्याने सूत्रसंचालन केले होते.

एमटीव्ही लव्ह स्कुल हा रिऍलिटी शो देखील खूप गाजला होता. या शोमध्ये त्याने सलग तीन वर्षे अभिनेत्री, गायिका आणि व्हिडीओ जॉकी असलेल्या मराठमोळ्या अनुषा दांडेकर सोबत शो होस्ट केला. या शोमुळे अनुषा सोबत त्याची मैत्री झाली आणि ते दोघेही एकमेकांच्या प्रेमात पडले. सलग तीन वर्षे एकमेकांना डेट केल्यानंतर अचानक २०२० साली त्यांनी ब्रेकअप झाल्याचे जाहीर केले. याबाबत अनुषाने नेहमी मिडियासमोर करणने धोका दिला असे म्हटले होते. ब्रेकअप होण्यामागे देखील हेच कारण आहे असे ती म्हणाली होती. करणच्या वागण्यात खूप फरक जाणवला. तो माझ्याशी खोटं बोलला म्हणून मी स्वताला स्वीकारणं अधिक पसंत केलं असे स्पष्टीकरण तिने दिले होते. अनुषा सोबतच्या नात्यावर करणने मात्र शांत राहणे पसंत केले होते.

आम्ही वेगळे झालो आहोत मात्र मला आता ह्या गोष्टीला फारसे हाताळायची गरज वाटत नाही. आपले आई वडील, मित्र आणि आपलं काम यात मी स्वताला गुंतवून ठेवलं आहे. मी बिग बॉसच्या घरात जाणार आहे तेव्हा मला ह्या गोष्टी विचारल्या जाणार याची खात्री मला आहे मात्र मी आता ह्या सर्व गोष्टी विचारपूर्वक फेस करू लागलो आहे. अनुषा दांडेकर ही अभिनेत्री आणि होस्ट मॉडेल असलेल्या शिबानी दांडेकरची बहीण आहे. जय जय महाराष्ट्र माझा, लालबाग परळ, सिटी ऑफ गोल्ड, विरुद्ध अशा चित्रपटातून अनुषा झळकली आहे. अनुषा सोबत नाते संपुष्टात आल्यानंतर करण अभिनेत्री तेजस्वी प्रकाश वायंगणकर हिच्या प्रेमात पडला आहे. बिग बॉस शो संपल्यानंतर तेजस्वीला भेटायला तो तिच्या घरी गेलेला पाहायला मिळाला होता.