​सोनालीच्या मते हा स्पर्धक ठरणार बिग बॉसच्या तिसऱ्या सिजनचा विजेता

​मागच्या आठवड्यात ९० दिवसांचा प्रवास करून सोनाली पाटील हिने बिग बॉसच्या घरातून एक्झिट घेतली होती. मी इथपर्यंत पोहोचली हेच माझ्यासाठी खूप महत्त्वाचं होतं आणि केवळ प्रेक्षकांनीच मला इथपर्यंत पोहोचवण्यास मदत केली असे ती म्हणाली होती. बिग बॉसच्या घरातून बाहेर पडल्यावर सोनालीने अक्षय वाघमारेची भेट घेतली होती. नुकतेच एका मुलाखतीत सोनालीने तिच्या मते कोणता स्पर्धक विजेता होऊ शकतो हे सांगितले आहे.

बिग बॉसच्या घरात सर्वात तगडी प्लेअर म्हणून मीनल शहाचे नाव तिने घेतले​.​ मीनल प्रत्येक टास्कमध्ये सगळ्यांना भिडली होती​.​ त्यामुळे तीच विजेती ​​होऊ शकते असे सोनाली म्हणते. तर विशाल देखील खूप स्ट्रॉंगेस्ट प्लेअर आहे आणि तो दुसरा येईल अशी शक्यता असल्याचे ती म्हणते. सोनालीचे काही दिवसांपूर्वी बिग बॉसच्या घरात मीनल आणि विशालसोबत चांगलेच वाद झाले होते​. ​मात्र आता ती घरात राहिली नसली तरी​,​ ते माझे खूप चांगले मित्र आहेत आणि कायम राहतील असे म्हटले आहे. हा वाद फक्त घरापूरताच मर्यादीत होता​,​ त्यामुळे आमची मैत्री तशीच राहणार आहे​ असे स्पष्ट केले आहे. बिग बॉसच्या घरात आता ६ टॉप स्पर्धक राहिले आहेत त्यातील विशालने फायनलमध्ये मजल मारली आहे. आता मीनल, विकास, जय, उत्कर्ष आणि मीरा या पाच सदस्यांमधून एक सदस्य आज एलिमीनेट होणार आहे​.​

त्यानंतर टॉप ५ स्पर्धक फायनलमध्ये पोहोचतील. बिग बॉसचा ग्रँड फिनाले देखील रविवारी पाहायला मिळणार आहे​.​ त्यात कोणत्या स्पर्धकाला विजेतेपद मिळणार याची उत्सुकता आहे. बिग बॉसच्या शेवटच्या आठवड्यात स्पर्धक​ मजामस्ती करण्यात वेळ घालवताना दिसत आहेत. त्यामुळे त्यांनी केलेल्या ह्या गमतीजमती पाहून प्रेक्षकांना देखील आपले हसू आवरत नाहीये. विशेष म्हणजे जय,उत्कर्ष आणि मीरा यांची​ दंगामस्ती प्रेक्षकांचं मनोरंजन करणारी ठरत आहे. शेवटचा आठवडा कुठलाही आरडाओरडा न करता या सदस्यांनी प्रेक्षकांचे मनोरंजन करण्यात धन्यता मानली आहे.​ ​बिग बॉसचा तिसरा सिजन लवकरच एक्झिट घेत आहे, त्यामुळे येत्या २७ डिसेंबर २०२१​ सोमवारपासून रात्री ९.३० वाजता नवी मालिका दाखल होणार आहे. तुझ्या रूपाचं चांदनं ही मालिका प्रेक्षकांच्या भेटीला येत आहे. रोहित निकम आणि तन्वी शेवाळे हे कलाकार मुख्य भूमिका साकारणार आहेत .