अंकिता लोखंडेची लगीनघाई… पहा खास फोटो

पवित्र रीश्ता मालिकेमुळे लोकप्रियता मिळवलेली मराठमोळी अभिनेत्री अंकिता लोखंडे आणि विकी जैन यांच्या लग्नाची लगबग सुरू झाली आहे. गेल्या महिन्यात अंकिताने तिच्या खास मैत्रिणींना आमंत्रित करून बॅचलर पार्टी साजरी केली होती. बॅचलर पार्टी मधील शॉर्ट ड्रेसमुळे अंकिता लोखंडे सोशल मीडियावर खूपच प्रसिद्धी मिळवताना दिसली. त्यानंतर अंकिता आणि विकी जैन या दोघांनी मिळून आपल्या लग्नाच्या पत्रिका नातेवाईक तसेच  मित्रमंडळींना घरोघरी जाऊन दिल्या होत्या.

नुकतेच अंकिताने तिच्या इन्स्टाग्रामवर लग्न सोहळा सुरू झाल्याचे सांगत हातात हिरवा चुडा आणि कपाळावर मुंडावळ्यानी सजलेले फोटो शेअर केले आहेत. पॅरोट ग्रीन रंगाच्या पैठणीत अंकिता खूपच खुलून दिसत होती. आज त्यांच्या लग्नसोहळ्याच्या विधीला सुरुवात झाली असून लवकरच हे दोघे विवाहबद्ध होणार आहेत. अंकिताचा जन्म मराठमोळ्या कुटुंबात झाला. तिचे वडील शशिकांत लोखंडे हे न्यूज रिपोर्टर होते तर आई वंदना फडणीस या शिक्षिका होत्या. इंदोरला त्यांचे कुटुंब वास्तव्यास होते आपले पदवीचे शिक्षण झाल्यानंतर अंकिता मुंबईत दाखल झाली. आयडिया झी सिनेस्टार या शोमध्ये अंकिता सहभागी झाली होती इथूनच तिला पवित्र रिश्ता या मालिकेत अर्चनाची प्रमुख भूमिका साकारण्याची संधी मिळाली. या पहिल्याच मालिकेमुळे अंकिता प्रेक्षकांच्या घराघरात पोहोचली आणि खूपच लोकप्रिय झाली. माणिकर्णिका चित्रपटात अंकिता झलकार बाईच्या भूमिकेत पाहायला मिळाली. सुशांतच्या निधनानंतर त्याच्या आठवणीत पवित्र रिश्ता २ ही मालिका प्रेक्षकांच्या भेटीला यावी अशी मागणी प्रेक्षकांनी केली होती त्यानंतर ही मालिका पुन्हा एकदा नव्या रुपात प्रेक्षकांसमोर आली आहे.

महत्वाचं म्हणजे या मालिकेत देखील अंकिता अर्चनाची भूमिका निभावताना दिसत आहे. मालिकेच्या सीजन १ प्रमाणे सिजन २ देखील तुफान यशस्वी ठरलेला पाहायला मिळतो आहे. सुशांत सिंग राजपूत सोबतच्या नात्यानंतर तिने विकी जैन सोबत आपले नाव जोडले. आता लवकरच हे दोघेही विवाहबद्ध होत आहेत. हिंदी सृष्टीत आणि मराठी सृष्टीत देखील लग्न सोहळ्याला उधाण आले आहे त्यात आता अंकिता लोखंडे कधी लग्न करणार अशी चर्चा पाहायला मिळाली होती. लग्नाची लगबग आता सुरू झाली असून लवकरच अंकिता आणि विकी जैन यांच्या हळदीचे आणि मेहेंदी सोहळ्याचे फोटो त्यांच्या चाहत्यांना पाहायला मिळतील.