प्राजक्ता माळी पाठोपाठ या अभिनेत्रीचे व्हीला चर्चेत.. पर्यटकांसाठी केलं खुलं

मराठी कलाकार आता चित्रपट, मालिकांमधून चांगले मानधन मिळवत आहेत. महागड्या गाड्या, मुंबईत घर अशी स्वप्न ती पूर्ण करताना दिसत आहेत. मिळालेला पैसा योग्य मार्गी लावला जावा आणि भविष्याची चिंता मिटावी यासाठी अनेक कलाकार अभिनयाच्या जोडीला व्यवसायची वाट धरू लागले आहेत. गेल्या वर्षी अभिनेत्री प्राजक्ता माळी हिने कर्जतमध्ये स्वतःचे आलिशान फार्महाऊस खरेदी केले होते. हे फार्महाऊस अर्थात व्हीला तिने आता भाडेतत्त्वावर देण्याचे ठरवले आहे. त्यामुळे प्राजक्ता माळी यातून उत्पन्न देखील मिळवत आहे.

अशातच मराठी बिग बॉस विजेती मेघा धाडे हिनेही असा व्यवसाय सुरू केलेला पाहायला मिळत आहे. मेघा धाडे हिने हिंदी मालिकेतून अभिनय क्षेत्रात पाऊल टाकले होते. मराठी चित्रपट, दूरदर्शनवरील मालिकांमधून तिने तिच्या अभिनयाची झलक दाखवून दिली होती. मराठी बिग बॉसचा पहिला सिजन मेघा धाडे हिने गाजवला होता. या पहिल्या सिजनची ती विजेती ठरली होती. आदित्य पावसकर सोबत मेघाने प्रेम विवाह केला आहे. आदित्य हा ऍक्सिस बँकेत सिनिअर व्हाईस प्रेसिडन्ट म्हणून कार्यरत आहे. मेघा सध्या हिंदी मराठी बिग बॉस सारख्या रिऍलिटी शोचा भाग बनलेली आहे. अभिनय क्षेत्रातून तिने ब्रेक घेतला असला तरी आता ती एक बिजनेस वूमन बनली आहे.

काही दिवसांपूर्वीच मेघाने पावस, रत्नागिरी येथील गणेशगुळे बिच जवळ स्वतःचा व्हीला खरेदी केला आहे. समुद्रकिनारी तिचा हा आलिशान व्हीला मोठ्या दिमाखात उभा आहे. या व्हीलाला तिने आकर्षक रंगानी सजवलेले पाहायला मिळत आहे. या घरात तिने लाकडी फर्निचरला प्राधान्य दिलं आहे. पांढऱ्या शुभ्र भिंती आणि त्याच रंगानी सजवलेले पडदे अशी सजावट तिने केली आहे. मँगोज अँड सी शेल असे तिच्या व्हीलाचे नाव आहे. सध्या हा व्हीला तिने पर्यटकांसाठी खुला केलेला आहे. काही दिवसांपूर्वीच मेघाची खास मैत्रीण सई लोकूर आणि तिचा नवरा तिर्थदीप रॉय यांनी या व्हीलाला भेट दिली होती आणि तिथल्या निसर्गाचा आनंद लुटला होता. प्राजक्ता माळी पाठोपाठ आता मेघानेही कार्पोरेट क्षेत्रात उडी घेतलेली पाहायला मिळत आहे. त्याचे मराठी सेलिब्रिटींकडून कौतुक देखील होत आहे.