प्रसिद्ध अभिनेत्रीला पुत्ररत्न प्राप्ती.. मराठी सेलिब्रिटींकडून अभिनंदनाचा वर्षाव

मराठी सृष्टीतील प्रसिद्ध अभिनेत्रीला पुत्ररत्न प्राप्ती झाली आहे. या अभिनेत्रीने सोशल मीडियावर एक खास फोटो शेअर करत ही बातमी जाहीर केली आहे. ही प्रसिद्ध अभिनेत्री आहे राधा सागर. राधा सागर ही मालिका तसेच चित्रपट अभिनेत्री आहे. आई कुठे काय करते, सुंदरा मनामध्ये भरली अशा मालिकांमधून राधाने महत्वपूर्ण भूमिका साकारलेल्या आहेत. राधा कुलकर्णी असे तिचे नाव असून ती आपल्या नावापुढे नवऱ्याचेच नाव लावते. काही महिन्यांपूर्वी राधाने तिच्या डोहाळजेवणाचे व्हिडीओ सोशल मीडियावर शेअर केले होते.

राधाने अनोख्या पद्धतीने हा सोहळा साजरा केला होता. दोन भल्यामोठ्या सजलेल्या कागदी पुष्ठ्याच्या मंदिरात विठ्ठल आणि रुख्मिणीची मूर्ती ठेवण्यात आली होती. त्यावेळी तिने जे मंदिर निवडले त्यात रुख्मिणीची मूर्ती होती. राधा आणि सागरने या सोहळ्यात रुख्मिणीला निवडले होते. मात्र आज तिला पुत्ररत्न प्राप्ती झाली असल्याचे समोर आले आहे. राधाच्या डोहाळेजेवणाचा हा अनोखा सोहळा पाहून चाहत्यांनी तिचे मोठे कौतुक केले होते. डोहाळेजेवणात पेढा किंवा बर्फी निवडली जाते, अशी परंपरा सर्वत्र पाहायला मिळते. मात्र राधाने तिचे हे डोहाळजेवण एका विशिष्ट पद्धतीने साजरे केले होते.

अर्थात या सोहळ्यातील खेळाच्या या गमतीजमती पाहण्यासाठी नातेवाईक खूपच उत्सुक असतात. मुलगा होईल की मुलगी असे हे खेळ त्यावेळी सुखावणारे ठरतात. राधाने काही दिवसांपूर्वीच तिच्या नवीन घरात गृहप्रवेश केला होता. त्यानंतर आज तिच्या घरात चिमुकल्या पावलांचे आगमन झाले आहे. आई बाबा होण्याचा हा प्रवास आमच्यासाठी सुखावणारा आहे. आयुष्याचा एक नवीन प्रवास सुरु झाला असे म्हणत तिने ही आनंदाची बातमी चाहत्यांसोबत शेअर केली आहे. सेलिब्रिटींनी तिच्या या गोड बातमीवर अभिनंदनाचा वर्षाव करण्यास सुरुवात केली आहे.